ફરીયાદ:પૂર્વ વિપક્ષી ઉપનેતાને મારી નાખવાની ધમકીની રાવ

જામનગરના ગુલાબનગરમાં રહેતા માજી નગરસેવિકા અને પુર્વ વિપક્ષી ઉપનેતા દ્રારા ગત તા.14ના રોજ મોડીરાત્રે તેને જાનથી મારી નાખવાની ધમકી ઉચ્ચારવા અંગે બે લોકો વિરુધ્ધ ફરીયાદ અરજી કરી હતી.જેના આધારે પોલીસે અટકાયતી પગલા ભર્યા હોવાનુ સુત્રોએ જણાવ્યુ છે.

ગુલાબનગર વિસ્તારમાં રહેતા પુર્વ નગરસેવિકા અને પુર્વ વિપક્ષી ઉપનેતા જેતુનબેન અબ્દુલકરીમ રાઠોડએ ગત તા. 14ના મોડીરાત્રે તેના નિવાસસ્થાને એકસંપ કરી જાનથી મારી નાખવાની ધમકી ઉચ્ચાર્યાની ફરીયાદ અરજી સીટી બીમાં ગફાર ઓસમાણભાઇ અને ઇરફાન ઇસ્માઇલ ખીરા વિરૂધ્ધ કરી હતી. આ લેખિત ફરીયાદ અરજીના પગલે પોલીસે તાત્કાલિક તપાસ શરૂ કરી હતી અને બંને સામે અટકાયતી પગલા હાથ ધરવાની તજવિજ હાથ ધરી હોવાનુ પોલીસે જણાવ્યુ હતુ.