વિવિધ કાર્યક્રમોનું આયોજન:દ્વારકામાં રેલવે સ્કાઉટ ગાઈડ ફેલોશીપ મિટિંગ

પશ્ચિમ રેલવે સ્કાઉટ ગાઈડ ફેલોશીપ દ્વારા તાજેતરમાં 3જી ભારતીય રેલવે સ્કાઉટ ગાઈડ ફેલોશીપ સભા - 2022નું આયોજન કરવામાં આવ્યું હતું. દ્વારકા ખાતે 10મી અને 11મી ડિસેમ્બર, 2022ના રોજ ‘અન્વેષણ અને શીખો’ થીમ પર આ ઇવેન્ટ યોજાઈ હતી. જેમાં વિવિધ ઝોનલ રેલવે અને નાગરિક રાજ્યોના ફેલોશિપ સભ્યોએ ભાગ લીધો હતો. આ કાર્યક્રમનું ઉદઘાટન, વેસ્ટર્ન રેલવે સ્કાઉટ ગાઇડ ફેલોશિપના વાઇસ પ્રેસિડેન્ટ અને રાજકોટ ડિવિઝનના વરિષ્ઠ ડિવિઝનલ એન્જિનિયર (સંકલન) રાજકુમાર એસ, દ્વારા કરવામાં આવ્યું હતું.

આ દરમિયાન સાંસ્કૃતિક આદાનપ્રદાન, રાષ્ટ્રીય એકીકરણ, સંશોધન, અહેવાલ પ્રસ્તુતિ વગેરે જેવા વિવિધ કાર્યક્રમોનું આયોજન કરવામાં આવ્યું હતું.10મી ડિસેમ્બરના રોજ તમામ સભ્યો દ્વારા ‘વિશ્વ એટાસ દિવસ’ની ઉજવણી કરવામાં આવી હતી. જેનો અર્થ થાય છે એસોસિયેશન ઓફ ટોપ અચીવર્સ ઓફ સ્કાઉટ્સ. આ ઇવેન્ટ દરમિયાન બે નવા ગિલ્ડની પણ રચના કરવામાં આવી હતી, જેનું નામ અનુક્રમે મૈત્રી ગિલ્ડ અને ગોકુલમ ગિલ્ડ હતું. 11 ડિસેમ્બરના રોજ સવારે સર્વધર્મ પ્રાર્થના સભાનું આયોજન કરવામાં આવ્યું હતું. આ કાર્યક્રમમાં રાષ્ટ્રીય મુખ્યાલયના વિશેષ અતિથિ તરીકે જનરલ શ્રીમતી સીમા રાઠીએ હાજરી આપી હતી.

મિસ પદ્મિની પિલ્લઈ, નેશનલ સેક્રેટરી અને ઉપમહાપ્રબંધક(ફાઇનાન્સ), દેવેન્દ્ર સાખરે - સેક્રેટરી ઈન્ડિયન રેલવે, એજાઝ મિર્ઝા, કન્વીનર ઈન્ડિયન રેલવે અને કે. બી. કટોચ, સ્ટેટ સેક્રેટરી - વેસ્ટર્ન રેલવે પણ હાજર હતા. કાર્યક્રમને સફળ બનાવવામાં અભિજીત શાહ, જિલ્લા સચિવ-રાજકોટ, રાજેશ વી મહેતા અને નંદુબાજીનો મહત્વનો ફાળો હતો. વિવિધ સ્થળોએથી આવેલા તમામ સભ્યોએ આ કાર્યક્રમની પ્રશંસા કરી હતી અને 11 ડિસેમ્બર, 2022ના રોજ કાર્યક્રમ સફળતાપૂર્વક સંપન્ન થયો હતો એમ સિનિયર ડિવિઝનલ કોમર્શિયલ મેનેજર અભિનવ જેફે જણાવ્યું હતું.