તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કડક ચેતવણી:ખાનગી શાળાઓ ફી ન વધારે : શિક્ષણાધિકારી

જામનગર8 દિવસ પહેલા
  • કૉપી લિંક
  • અંતે શિક્ષણાધિકારી કચેરી જાગી, વાલીઓને લૂંટતા બચાવવા પરિપત્ર બહાર પાડ્યો

જામનગર શહેર-જિલ્લામાં નવું શૈક્ષણિક સત્ર ચાલુ થવાની સાથે જ શાળા સંચાલકોએ પોતાનું પોત પ્રકાશી ફી વધારો ઝીંકી દીધો હતો જેનો ભારે વિરોધ થતાં શિક્ષણાધિકારી કચેરી પણ સફાળી જાગી હતી અને તાત્કાલિક પરિપત્ર બહાર પાડી ખાનગી શાળાઓએ નવા સત્રમાં ફી વધારો ન કરવાની કડક ચેતવણી આપવામાં આવી છે. હવે આની અમલવારી કેવી અને કેટલી થાય છે તે જોવાનું રહ્યું.

જામનગર શહેર-જિલ્લામાં ગત તા.7-6-2021થી નવા શૈક્ષણિક સત્રનો પ્રારંભ થયો છે ત્યારે ખાનગી શાળાઓએ પાછલા દરવાજે એફઆરસી મંજૂર કરેલી ફી કરતા વધુ ફી ઉઘરાવાતી હોવાની બાબત સામે આવી હતી જે મુદ્દે વાલીઓનો અવાજ બનીને કોંગ્રેસે પણ આવેદનપત્ર આપ્યું હતું. પરંતુ ખાનગી શાળાઓને કોઈ ફેર પડ્યો ન હતો.

પરંતુ ફી વધારાના હોબાળાને લીધે જિલ્લા શિક્ષણાધિકારી કચેરી સફાળી જાગી હતી અને તાત્કાલિક પરિપત્ર બહાર પાડી કોઈપણ ખાનગી શાળાઓએ ફી વધારો ન કરવા તેમજ જૂની ફી મુજબ જ ફી ઉઘરાવવી તેવો પરિપત્ર બહાર પાડી ખાનગી શાળાઓની ઉઘરાણી પર રોક લગાવવાનો પ્રયાસ કર્યો છે. બીજી બાજુ ખાનગી શાળા પરિપત્રને કેટલું માને છે તેમજ તેને ન માનનારાઓ સામે શું પગલાં લેવાશે તે આગામી સમયમાં ખબર પડશે.

ગત વર્ષ જેટલી જ ફી લેવી: શિક્ષણાધિકારી
ફી બાબતે ખાનગી શાળાઓ માટે પરિપત્ર બહાર પાડવામાં આવ્યો છે જેમાં તાકીદ કરવામાં આવી છે કે, ગત વર્ષ જેટલી જ ફી ઉઘરાવવી તેમાં કોઈ વધારો કરવો નહીં. જો વધારો કરશે તો તે શાળા સામે કડક કાર્યવાહી કરવામાં આવશે.> એસ.એલ. ડોડિયા, જિલ્લા શિક્ષણાધિકારી, જામનગર.

અન્ય સમાચારો પણ છે...