• Gujarati News
  • Local
  • Gujarat
  • Jamnagar
  • New Vaccine Pneumococcal Conjugate (PCV) Launched In Jamnagar To Protect Children From Deadly Diseases Like Pneumonia And Meningitis

રસીકરણ:બાળકોને ન્યુમોનિયા તથા મગજના તાવ જેવા જીવલેણ રોગથી સુરક્ષિત કરવા જામનગરમાં નવી રસી ન્યુમોકોકલ કોંજુગેટ (PCV)નું લોન્ચીંગ કરાયું

જામનગરએક મહિનો પહેલા
  • કૉપી લિંક
  • આ રસી બાળ મરણનું પ્રમાણ ઘટાડવા માટે ઉપયોગી સાબિત થશે
  • રૂપિયા 2 થી 2.5 હજારમાં મળતી આ રસી રાજ્ય સરકાર દ્વારા નિ:શૂલ્ક પુરી પાડવામાં આવશે

જામનગરમાં બાળકોને ન્યુમોનિયા તથા મગજના તાવ જેવા જીવલેણ રોગથી સુરક્ષિત કરવા નવી રસી ન્યુમોકોકલ કોંજુગેટ (PCV)નું લોન્ચીંગ કરાયું હતું. ભારત સરકારના નિયમિત રસીકરણ કાર્યક્રમમાં એક નવી વેક્સિન ન્યુમોકોકલ કોંજુગેટ PCVને સરકાર દ્વારા સામેલ કરવામાં આવી છે. બાળકોમાં ન્યુમોકોકસ બેક્ટેરિયા દ્વારા થનારી બીમારીઓ જેવી કે ન્યુમોનિયા તથા મગજના તાવ સામે સુરક્ષા પ્રદાન કરવામાં આ રસી મદદરૂપ સાબીત થશે.

ન્યુમોકોકલ બીમારીના કારણે બાળકોને હોસ્પિટલમાં દાખલ કરવા પડી શકે છે અને તેમનું મૃત્યુ પણ થઇ શકે છે. તેમજ પરિવાર પર ભારે આર્થિક ભારણ આવી શકે છે. ન્યુમોનિયા 5 વર્ષથી ઓછી ઉંમરના બાળકોના મૃત્યુનું એક મુખ્ય કારણ છે અને ન્યુમોકોકસ બેકટેરિયાએ ન્યુમોનિયાનું મુખ્ય કારણ છે. PCV વેક્સિન 5 વર્ષથી ઓછી ઉંમરના બાળકોમાં ન્યુમોનિયાના મુખ્ય કારણ ન્યુમોકોકલ ન્યુમોનિયા સામે સુરક્ષા પ્રદાન કરવામાં અસરકારક માધ્યમ છે. ખાનગી ક્ષેત્રે 2 થી 2.5 હજારમાં મળતી આ PCV રસી સરકાર દ્વારા વિનામુલ્યે આપવામાં આવશે.

જામનગર જિલ્લામાં દરેડ ખાતેથી જિલ્લા કક્ષાના PCV વેક્સિન લોંચીગ કાર્યક્રમની જિલ્લા પંચાયત પ્રમુખ ધરમશી ચનીયારા, જિલ્લા કલેક્ટર ડો.સૌરભ પારઘી‌‌‌, જિલ્લા આરોગ્ય અધિકારી ડો.બથવારના માર્ગદર્શન હેઠળ તથા આરોગ્ય સમિતીના ચેરમેન જગદિશ સંગાણી, સરપંચ રમીલાબેન રૂપાપરા, ટી.એચ.ઓ. ડો.ગુપ્તા, જિલ્લા પંચાયત સદસ્ય વિનોદ વાડોદરીયા તથા કમલેશ ધમસાણીયા, ટી.ડી.ઓ. સરવૈયા સહિતના આગેવાનો અને ગ્રામજનોની પ્રેરક ઉપસ્થિતમાં શરૂઆત કરવામાં આવી હતી. જામનગર શહેરમાં મહાનગરપાલિકા કક્ષાના કાર્યક્રમનો મેયર બીનાબેન કોઠારી, મ્યુ. કમીશ્નર વિજય ખરાડી, શાસક પક્ષ નેતા કુસુમબેન પંડયા સહિતના આગેવાનોની ઉપસ્થિતીમાં શુભારંભ કરાયો હતો.

રાજ્ય સરકાર દ્વારા મિશન ઈન્દ્રધનુષ, બાળ સ્વાસ્થ્ય કાર્યક્રમ, દુધ સંજીવની યોજના વગેરે જેવા બાળ આરોગ્ય લક્ષી કાર્યક્રમો અમલમાં છે. ત્યારે ન્યુમોકોકલ કોંજુગેટ PCVને પણ સરકાર દ્વારા બાળકોના નિયમીત રસીકરણના કાર્યક્રમમાં સમાવવામાં આવતા તે બાળકોમાં ન્યુમોનીયા જેવા ગંભીર રોગો સામેના રક્ષણનું અમોઘ શસ્ત્ર સાબીત થશે.

અન્ય સમાચારો પણ છે...