કાર્યવાહી:માસ્ક, સોશિયલ ડીસ્ટન્સ ભંગ અંગે 29 સામે ફોજદારી

જામનગર શહેર-જિલ્લામાં એક જ દિવસમાં માસ્ક, સોશિયલ ડીસ્ટન્સનો ભંગ કરનાર 29 શખસો સામે ફોજદારી ફરિયાદ નોંધાઇ છે. શહેર તથા જિલ્લામાં કોરોના વકરે નહીં તે માટે જાહેરનામું અમલમાં છતાં માસ્ક વગર હરતા ફરતા, વાહનોમાં 4 નો નિયમ હોવા છતાં વધુ મુસાફરો બેસાડતા, બિનજરૂરી કામ વગર માર્ગો પર આટાંફેરા કરતા શખસો, દુકાનો પર સોશિયલ ડીસ્ટન્સ ન જળવાતા દુકાનદારો મળી કુલ 29 શખસો સામે પોલીસે જાહેરનામાં ભંગનો ગુનો નોંધ્યો છે.