કોરોના સંક્રમણમાં ઘટાડો:જામનગરમાં 24 કલાકમાં કોરોનાના નવા 9 કેસ, 1 મૃત્યુ નોંધાયું

જામનગર શહેર જિલ્લામાં છેલ્લા એક અઠવાડિયા દરમિયાન કોરોના સંક્રમણમાં સતત ઘટાડો નોંધાઈ રહ્યો છે. આજે શહેરમાં 7 અને ગ્રામ્યમાં 2 નવા કેસ નોંધાયા હતા.જામનગર શહેરમાં કોરોનાના કારણે એક મૃત્યુ નોંધાયું હતું.આજે શહેર અને ગ્રામ્યના મળી કુલ 5 દર્દીઓને ડિસ્ચાર્જ કરવામા આવ્યા હતા.

જામનગર જિલ્લામાં અત્યાર સુધીમાં 10,209 કેસ નોંધાઈ ચૂક્યા છે.તો કોરોનાના કારણે અત્યાર સુધીમાં કુલ 1050 દર્દીઓના મૃત્યુ નોંધાઈ ચૂક્યા છે.શહેર જિલ્લામાં હાલ ઘટતા કેસોની વચ્ચે રસીકરણ અભિયાન પણ ચલાવવામા આવી રહ્યું છે.