વિદ્યાર્થીઓની મહેનતનું પરિણામ:જામનગર જિલ્લાનું ધોરણ 10નું 69.68% પરિણામ આવ્યું, 15,171 વિદ્યાર્થીઓમાંથી 420 વિદ્યાર્થીઓને A 1 ગ્રેડ મેળવ્યો

ગુજરાત શિક્ષણ બોર્ડ દ્વારા આજે સોમવારે ધો 10 એસ.એસ.સી.નું માર્ચ-એપ્રિલ 2022માં લેવાયેલી ધો. 10ની પરીક્ષાનું પરિણામ સવારે 8 વાગે વેબસાઇટ પર ઓનલાઇન જાહેર કરવામાં આવ્યું હતું. જેમાં જામનગર જિલ્લાનું 69.68 ટકા પરિણામ જાહેર થયું છે.

જિલ્લાના નવ કેન્દ્રમાં 82.38 % પરિણામ સાથે પ્રથમ નંબરે ધ્રોલ તેમજ સૌથી ઓછું પરિણામ સિક્કા કેન્દ્રનું 52.76 % છે. બીજા નંબરે કાલાવડ કેન્દ્ર- 75.76 ટકા, જામનગર ગ્રામ્યનું 73. 21%, જામજોધપુરનું 6769 %, જામનગર શહેરનું 63.32 %, જોડિયાનું 61.02 %, લાલપુર કેન્દ્રનું 56.23 ટકા અને જાબુંડા કેન્દ્રનું 70.65 % પરિણામ આવ્યું છે.

દેવભૂમિ દ્વારકા જિલ્લાનું ધોરણ 10નું 64.62% પરિણામ જાહેર થયું છે. 8 કેન્દ્રમાં 86,36 % પરિણામ સાથે પ્રથમ નંબરે ભાટિયા જ્યારે સૌથી ઓછું પરિણામ દ્વારકા કેન્દ્રનું 40.51 % આવ્યું છે. બીજા નંબરે નંદાણા કેન્દ્ર- 75.82 ટકા, ભાણવડનું 63.26%, જામ રાવલનું 66.67 %, ખંભાળિયાનું 63.54%, મીઠાપુરનું 52.74%, કલ્યાણપુર કેન્દ્રનું 68.68 % પરિણામ જાહેર થયું છે.

બોર્ડમાં ત્રીજો ક્રમ મેળવનાર પૂર્વ ઓઝાને એન્જિનિયર બનવાની ઈચ્છા
SSC બોર્ડની પરીક્ષામાં 99.98 PR મેળવનાર પૂર્વ ઓઝાએ જણાવ્યું હતું કે, મારી સફળતાનો શ્રેય મારા માતા-પિતા અને શિક્ષકોને જાય છે. ધોરણ 10 શરૂ થાય ત્યારે સ્કૂલમાં જે અભ્યાસ કરાવે તેનું ઘરે આવી રિવિઝન કરવાનું અને લાસ્ટમાં કોર્ષનું રિવિઝન કરવાનું એટલે સારું પરિણામ મળે.

​​​​​​​

ઠાકર અંશુલ આગામી સમયમાં એન્જિનિયર બનવા માગે છે
99.97 PR મેળવનાર ઠાકર અંશુલે જણાવ્યું હતું કે, હું આગામી સમયમાં 11-12 સાયન્સ કરી એન્જિનિયર બનવા માગુ છું. હું દરરજો ચારથી પાંચ કલાક વાંચન કરતો.જો શાળામાં રહીને મહેનત કરવામાં આવે તો કોઈ એકસ્ટ્રા ટ્યુશનની જરુર નથી. મારી સફળતાનો શ્રેય મારા માતા-પિતા અને શિક્ષકોને આપવા માંગુ છું.

ઘેડિયા ક્રિસાની સીએ બનવાની ઈચ્છા
​​​​​​​99.97 PR સાથે પરીક્ષા પાસ કરનાર ઘેડિયા ક્રિસાએ પોતાની સફળતાનો શ્રેય માતા પિતા અને શિક્ષકોને આપ્યો હતો. દરરોજ પાંચ કલાક વાંચન કરી ક્રિસાએ આ સફળતા પ્રાપ્ત કરી છે. ભવિષ્યમાં કોમર્સ ફેકલ્ટીમાં જઈ સી.એ. બનવાની ઈચ્છા છે.