વાતાવરણ:જામનગર શહેરમાં ધુમ્મસની ચાદર છવાઇ, લઘુતમ તાપમાન 17.5 ડિગ્રી

જામનગરમાં રવિવારે ધુમ્મસની ચાદર છવાઇ હતી. લઘુતમ તાપમાન વધીને 17.5 ડિગ્રી નોંધાયું હતું. જયારે મહતમ તાપમાનમાં વધારો થતાં બપોરના ગરમીનો અનુભવ લોકો કર્યો હતો. જો કે, પવનના કારણે સવારે અને રાત્રીના ઠંડીનું જોર યથાવત રહ્યું છે.જામનગરમાં છેલ્લાં ત્રણ દિવસથી મહતમ તાપમાનમાં સતત વધારો નોંધાયો છે. જયારે લઘુતમ તાપમાન પણ ઉંચકાતા ધીમે-ધીમે શિયાળો વિદાય લઇ રહ્યો છે.

આ સ્થિતિમાં રવિવારે સવારે જામનગરમાં ધુમ્મસની ચાદર છવાઇ હતી. લઘુતમ તાપમાન વધીને 17.5 અને મહતમ તાપમાન ઉંચકાતા 32.8 ડિગ્રી નોંધાયું હતું. જયારે ભેજનું પ્રમાણ 98 ટકા અને પવનની ગતિ 10 થી 15 કીમી પ્રતિ કલાક નોંધાઇ હતી. તાપમાન ઉંચકાતા પરંતુ પવનની ગતિ વધતા વહેલી સવારે અને રાત્રીના ઠંડી તો બપોરના ગરમીનો અનુભવ લોકોએ કર્યો હતો.