ABVPનું આવેદનપત્ર:‘જામનગર આયુર્વેદિક કોલેજના ઈન્ટર્ની તબીબોનું સ્ટાઈપેન્ડ વધારો’

જામનગરની આયુર્વેદિક કોલેજમાં ઈન્ટર્ની તબીબોને બીજી કોલેજોની તુલનાએ ઓછા સ્ટાઈપન્ડ આપવાના મુદ્દે એબીવીપી દ્વારા કલેકટરને આવેદનપત્ર આપી સ્ટાઈપન્ડ વધારવાની માંગણી કરવામાં આવી છે.

જામનગર શહેરના ગુલાબકુંવરબા આયુર્વેદ મહાવિદ્યાલયમાં ઈન્ટર્ની તબીબો ફરજ બજાવે છે. બીજી બધી કોલેજોમાં તબીબોને 9800થી વધુ સ્ટાઈપન્ડ આપવામાં આવે છે. જ્યારે વિશ્વકક્ષાએ નામના મેળવનાર જામનગરની કોલેજમાં ફક્ત 7280 રૂપિયા જ સ્ટાઈપન્ડ આપવામાં આવે છે જે અંગે યોગ્ય કરવા અને સ્ટાઈપન્ડ વધારવાની માંગણી કરતું એબીવીપી દ્વારા જિલ્લા કલેકટરને આવેદનપત્ર પાઠવી તબીબોને અન્ય કોલેજોની તુલનાએ મળતા સ્ટાઈપન્ડ અપાવવા માંગણી કરી છે.