વિદેશી દારૂનો વેપલો:જામનગરમાં વિદેશી દારૂના ત્રણ દરોડામાં 2.77 લાખના મુદ્દામાલ સાથે ત્રણ શખ્સો ઝડપાયા

જામનગર શહેરમાં એલસીબીએ બાતમીના આધારે ત્રણ દરોડા કરી ઈંગ્લીશ દારૂની 93 નંગ બોટલ સાથે ત્રણ શખ્સને ઝડપી લઈ એક સપ્લાયરનું નામ ખુલતા તેને ફરાર જાહેર કરી તેની શોધખોળ હાથ ધરી છે. મળતી વિગત મુજબ શહેરમાં ઈંગ્લીશ દારૂની બદી અંગે જામનગર જિલ્લા પોલીસ વડા પ્રેમસુખ ડેલુએ સૂચના આપેલ હોય જેના અનુસંધાને એલસીબી પીઆઈ જે.વી ચૌધરીના માર્ગદર્શન હેઠળ પીએસઆઇ ગોહિલ અને પી.એન. મોરી તથા સ્ટાફના માણસો પેટ્રોલીગમાં હોય ત્યારે શિવભદ્રસિદ્ધ જાડેજા, ફિરોજભાઈ ખરી અને હરદીપભાઇ ધાંધલ ને મળેલ ચોક્કસ બાતમીના આધારે ગુલાબ નગરમાં રાજમોતી સોસાયટીમાં રહેતા જીતુદાન રાયદેભાઈ ગઢવીએ પોતાના મકાનમાં જીજે 15 સીએફ 3774 નંબરની કારમાં વેંચાણ અર્થે ઈંગ્લીશ દારૂની 70 નંગ બોટલ કીમંત રૂ. 28000 તથા ફોન અને કાર મળી રૂ.2.33 લાખ નો મુદામાલ સાથે ઝડપી લઈ પુછપરછ હાથ ધરતા આ દારૂનો જથ્થો ધ્રાંગધ્રા તાલુકાના જીવાગામના પદુભાએ સપ્લાય કર્યો હોવાની કબૂલાત આપતા શોધખોળ હાથ ધરી છે.

બીજી જગ્યાએ જીજે 10 સીકે 1752 નંબરની મોટરસાયકલની તલાસી લેતા શરૂસેકન રોડ એમપીશા ઉદ્યોગનગરની પાછળનો દેનિક દાબેલી ગુમાનસિજાડેજાના કબ્જામાંથી ઈંગ્લીશ દારૂની 11 નંગ બોટલ કીમત રૂ.4400 તથા કોન અને મોટરસાયલ મળી રૂ. 34,900નો મુદામાલ કબ્જે કરી ધોરણસરની કાર્યવાહી હાથ ધરી હતી.

આ ઉપરાંત યશપાલસિહ જાડેજા અને ધર્મેન્દ્રસિંહ જાડેજાને મળેલ બાતમીના આધારે ગુલાબનગર શ્યામ ટાઉનશીપમાં રહેતો અજય કેશુભાઈ હડીયલના રહેણાંક મકાનમાં ઈંગ્લીશ દારૂ વેંચાણ અર્થે રાખ્યો હોય ત્યાં દરોડો કરી ઈંગ્લીશ દારૂની 12 નંગ બોટલ કિમંત રૂ. 4800 તથા મોટરસાયકલ અને ફોન મળી રૂ. 9800 નો મુદામાલ કબ્જે કરી ધોરણસરની કાર્યવાહી હાથ ધરી હતી.