વાત ગામ ગામની:લોઠીયા ગામમાં રૂ. 15 લાખના ખર્ચે ભૂગર્ભ ગટરનું કામ પૂર્ણ

જામનગર તાલુકાના લોઠીયા ગામમાં સ્વચ્છતા જળવાઈ રહે તે હેતુથી રૂ .15 લાખના ખર્ચે ભૂગર્ભ ગટર નું કાર્ય પૂર્ણ કરવામાં આવ્યું છે . આ સાથે ગામમાં રાત્રિ દરમિયાન લોકોને અવરજવરમાં મુશ્કેલી ન પડે અને કોઈ અનિચ્છનીય બનાવ ન બને હેતુથી રૂ .5 લાખથી વધુના ખર્ચે સ્ટ્રીટલાઈટ નાખાવામાં આવી છે .

તદઉપરાંત ગામમાં રોડ રસ્તા કાર્યો પણ પૂર્ણ કરવામાં આવ્યા હોવાનું ગામના સરપંચ ભગવાનજીભાઈ રાણપરીયાએ જણાવ્યું હતું . વધુમાં તેમણે કહ્યું હતું કે ગામમાં મોટાભાગની શેરીઓમાં પેવર બ્લોકનુ઼ કામ કરવામાં આવ્યું છે અને ઘરે ઘરે પીવાનું પાણી પહોંચાડવામાં આવ્યું છે . આ સાથે આગામી દિવસોમાં પીવાના પાણીના સંગ્રહ માટે 50000 લીટરની ક્ષમતાનો પાણીનો ટાંકો બનાવામાં આવશે .

ગામમાં રૂા.5 લાખના ખર્ચે આંગણવાડી બનશે
લોઠીયા ગામમાં જૂની આંગણવાડી જર્જરીત થતા તેને પાડવામાં આવી છે . આગામી દિવસોમાં નવી આંગણવાડી ગામની પ્રાથમિક શાળાની બાજુમાં રૂ .5 લાખના ખર્ચે બનાવવામાં આવશે . જેમાં આંગણવાડીને લગતી તમામ સુવિધાઓ ઉપલબ્ધ કરાવવામાં આવશે . જે મંજૂરી મળી ગઈ છે . આગામી દિવસોમાં બાંધકામ પણ શરૂ થશે તેમ સરપંચે જણાવ્યું હતું .