ગાઢ ધુમ્મસનું આવરણ:જામનગરમાં 48 કલાકમાં પારો 2.4 ડિગ્રી ઊંચકાતા ઠંડીમાં ઘટાડો

જામનગર શહેર સહિત હાલારભરમાં સપ્તાહના મધ્યભાગમાં હાડ ધ્રુજાવતી ઠંડીના કહેર બાદ સતત બીજા દિવસે પણ તિવ્ર ઠંડીનુ જોર ઘટયુ હતુ જેથી જનજીવને આંશિક રાહત અનુભવી હતી.ભેજનુ પ્રમાણ 78 ટકાએ પહોચી જતા વહેલી સવારે ગાઢ ધુમ્મસ છવાયુ હતુ.જોકે,બર્ફિલા પવનના કારણે વાતાવરણમાં ટાઢોડુ યથાવત રહયુ છે. જામનગરમાં ગત મંગળવારથી ગુરૂવાર સુધી સતત ત્રણ દિવસ લઘુતમ તાપમાનનો પારો બાર ડીગ્રીની અંદર રહેતા કડકડતી ઠંડીનુ મોજુ ફરી વળ્યુ હતુ.જોકે,શુક્રવાર બાદ શનિવારે રાત્રીનુ તાપમાન વધ્યુ હતુ અને લઘુતમ તાપમાન 14 ડીગ્રીએ પહોચી ગયુ હતુ જેથી તિવ ઠંડીથી જનજીવને આંશિક રાહત અનુભવી હતી.

બીજી બાજુ બર્ફિલા પવનની ઝડપમાં આંશિક વધારો થતા મોડીસાંજથી સવાર સુધી વાતાવરણ ટાઢુબોળ રહયુ હતુ. જામનગરમાં સતત બીજા દિવસે ભેજનુ પ્રમાણ વધ્યુ હતુ અને 78 ટકાએ પહોચ્યુ હતુ જેથી સવારે ગાઢ ધુમ્મસનુ આવરણ છવાયુ હતુ. ખાસ કરીને વહેલી સવારે શહેરને જોડતા માર્ગો પર નિકળતા નાના મોટા વાહનચાલકોએ ગાઢ ધુમ્મસના કારણે હાલારીનો સામનો કર્યો હતો.જોકે,સુર્યોદય બાદ વાતાવરણ પુર્વવત થયુ હતુ.