કડકડતી ઠંડી:જામનગરમાં 48 કલાકમાં પારો 7 ડિગ્રી ગગડી ગયો

જામનગર સહિત હાલારમાં શિયાળાએ ફરી આક્રમક મિજાજ દર્શાવતા કડકડતી ઠંડીથી જનજવન ધ્રુજી ઉઠયુ હતુ.લઘુતમ તાપમાનનો પારો બે દિવસમાં સાત ડીગ્રી નીચે સરકતા ફરી તિવ્ર ઠંડીનુ મોજુ ફરી વળ્યુ હતુ.જામનગરમાં એકાદ મહિના બાદ ફરી પારો સીંગલ ડિઝીટમાં સરકયો હતો તો દિવસનુ તાપમાન ઘટતા વાતાવરણમાં ટાઢોડુ છવાયુ હતુ. જામનગર સહિત હાલારભરમાં સપ્તાહના અંતમાં ફરી તિવ્ર ઠંડીનો મુકામ રહયો હતો.

જામનગરમાં રવિવારે દોઢ ડિગ્રી બાદ સોમવારે લઘુતમ તાપમાન અચાનક સાડા પાંચ ડિગ્રી નીચે સરકી સીંગલ ડિઝીટમાં પહોચ્યુ હતુ અને પારો 8.5 ડિગ્રીએ સ્થિર થયો હતો.લગભગ ચાર સપ્તાહ બાદ શહેરમાં કાતિલ ઠંડીએ પુનરાગમન કરતા જનજીવન રીતસર ધ્રુજી ઉઠયુ હતુ.જામનગરમાં રાત્રીના તાપમાનમાં અસામાન્ય ઘટાડાની સાથે દિવસનુ તાપમાન પણ ત્રણ દિવસમાં 3.5ડિગ્રી જેટલુ ઘટયુ હતુ.જેથી બપોરે તાપનુ જોર ઘટયુ હતુ બીજી બાજુ મોડી સાંજથી સવાર સુધી વાતાવરણ ઠંડુગાર રહયુ હતુ.

હાલારનું હ​​​​​વામાન