આપઘાત:જામનગરમાં આર્થિકભીંસથી શ્રમિક યુવાને આયખું ટુંકાવ્યું

જામનગરના ઢીંચડા રોડ પર ક્રિષ્ના વે બ્રીજ પાસેના વિસ્તારમાં રહેતા અને મજુરી કામ કરતા એક યુવાને પોતાના ઘરે ગળાફાંસો ખાઇ જીવાદોરી ટુંકાવી લીઘી હતી.મૃતક યુવાને આર્થિક પરિસ્થિતિના કારણે ભીંસમાં આવી જતા આ પગલુ ભરી લીઘુ હોવાનુ જાહેર થયુ છે. પોલીસસુત્રોમાંથી મળતી વિગત મુજબ જામનગરમાં ઢીંચડા રોડ પર ક્રિષ્ના વે બ્રિજ સામે પુષ્પક એપાર્ટમેન્ટ નજીક રહેતા અને મજુરીકામ કરતા નરેન્દ્રસિ઼હ પ્રાગજી જાડેજા(ઉ.વ.30) નામના યુવાને ગત તા. 25ના રાત્રે ઘરે ગળાફાંસો ખાઇ જીવન ટુંકાવી લીઘુ હતુ.

આ બનાવ અંગે ભગીરથસીંહ ખેંગારજી સોઢાએ જાણ કરતા સીટી સી પોલીસની ટીમ ઘટનાસ્થળે દોડી ગઇ હતી અને મૃતદેહનો કબજો સંભાળી તેને પોષ્ટમોર્ટમ અર્થે હોસ્પીટલમાં ખસેડયો હતો. મૃતકે પોતાની આર્થિક પરિસ્થિતિના કારણે ભીંસમાં આવી જતા આ પગલુ ભરી લીઘુ હોવાનુ પોલીસ સમક્ષ જાહેર થયુ છે.મજુરીકામ કરતા મૃતક યુવાનના આ અંતિમ પગલાથી તેના અગીયાર વર્ષના પુત્રે પિતાની છત્રછાયા ગુમાવી છે.આ બનાવના પગલે મૃતકના પરીવારમાં ઘેરો શોક છવાયો હતો.