વિવાદ:જામનગરમાં પાણીના છંટકાવ મામલે બે પરિવાર વચ્ચે બઘડાટી

જામનગરના મહાદેવનગરરોડ પર સ્થિતયાદવનગર વિસ્તારમાં અજ્ઞાત માણસ પર પાણી છાંટવા તેમજ જુની અદાવતના કારણે બે પરીવાર વચ્ચે બબાલ સર્જાઇ હતી જેમાં પાઇપ અને ઘોકા વડે સામસામા હુમલાની ફરીયાદ નોંધાઇ છે.આ બનાવમાં બંને પક્ષના ચારેક લોકોને ઇજા પહોચ્યાનુ બહાર આવ્યુ છે.

પોલીસસુત્રોમાંથી મળતી વિગત મુજબ શહેરમાં મહાદેવનગર રોડ પર યાદવનગર વિસ્તારમાં રહેતા દેવાણંદભાઇ પુંજાભાઇ ગાગીયા નામના પ્રૌઢે પોતાના પર તથા અન્ય પર લોખંડના પાઇપ-લાકડાના ઘોકા વડે હુમલો કરી તેને તથા રાજુભાઇને માથાના ભાગે તેમજ અન્યને મુંઢ ઇજા કર્યાની ફરીયાદ દેવાણંદ વારોતરીયા તેમજ અશ્વીન દેવાણંદભાઇ, પ્રવિણ દેવાણંદભાઇ અને કરણા દેવરખીભાઇ વારોતરીયા સામે નોંધાવી છે.

જયારે સામાપક્ષે કરણાભાઇ દેવરખીભાઇ વારોતરીયાએ પણ પોતાના તથા અન્ય પર લાકડાના ઘોકા વડે હુમલો કરી તેને માથાના ભાગે તેમજ અન્યોને મુંઢ ઇજા પહોચાડવા અંગે દેવાણંદભાઇ ગાગીયા, રાજુ દેવાણંદભાઇ અને ગોવિંદ દેવાણંદભાઇ ગાગીયા સામે ફરીયાદ નોંધાવી છે.પોલીસે બંને પક્ષોની ફરીયાદ નોંધી વધુ તપાસ હાથ ધરી છે.અજાણ્યો માણસ સુતો હોય જેના પર પાણી છાંટવા તેમજ જુની અદાવતનો ખાર રાખી સામસામા હુમલા થયાનુ ફરીયાદમાં જાહેર થયુ છે.