બમ્પર આવક:હાપા યાર્ડમાં ધાણા અને ચણાની 36000 હજાર ગુણીની આવક થઇ, વાહનોની લાઈનો 2 કિ.મી સુધી જોવા મળી

જામનગર હાપા માર્કેટ યાર્ડ માર્ચ એન્ડિંગના કારણે સાત દિવસ બંધ હતો. જેમાં આજથી ફરીથી જણસોની આવક થતા ધાણાની 22000 હજાર અને ચણાની 14000 હજાર ગુણીની વિક્રમ જનક આવક થઈ હતી.

અન્ય જણસોની મોડી સાંજે આવક થતાં હરાજી આજથી શરૂ

ખેતીવાડી ઉત્પન્ન બજાર સમિતિ હાપા યાર્ડ અને માર્ચ માસના કારણે 31 માર્ચ સુધી વેપારી પ્રવૃત્તિ બંધ રહી હતી. જે પછી ફરીથી આજે યાર્ડ ખાતે આવક લેવાની કામગીરી હાથ ધરાઈ હતી.

જેમાં નાણાંની આવક જિલ્લાભરમાંથી શરૂ થતા 200 જેટલા વાહનોમાં 22000 હજાર ગુણીની આવક થવા પામી હતી. જ્યારે ચણાની આવક 14000 હજાર ગુણીની થઇ હતી. જેમાં જણસોની આવક થતાં વાહનોની 2 કિમી સુધી લાંબી કતારો લાગી ગઇ હતી. જ્યારે રાત્રિના ઘઉંના પાળની, અજમો, રાયડો, લસણ , એરંડાની આવક પણ શરૂ કરવામાં આવી હતી. આજે એપ્રિલમાં તમામ જસણોની હરાજી રાબેતા મુજબ પ્રક્રિયા હાથ ધરાશે તેમ હાપા યાર્ડના સેક્રેટરી હિતેશ પટેલે જણાવ્યું હતું.