જુગાર:જામનગરના જામજોધપુરમાં જુગાર રમતી પાંચ મહિલાઓ રંગેહાથ ઝડપાઇ

જામનગરના જામજોધપુરમાં દોઢીયાવાડી ખાતે આવેલા મારૂતિપાર્કમાં સ્થાનિક પોલીસે બાતમીના આધારે રેડ કરતાં જુગાર રમતી પાંચ મહિલાઓ ઝડપાઇ હતી. પોલીસે રૂપિયા 13 હજારની રોકડ અને મોબાઇલ સહિત કુલ 45 હજારનો મુદ્દામાલ કબ્જે કરી આગળની કાર્યવાહી હાથ ધરી છે.

જામનગર જિલ્લાના જામજોધપુર પંથકમાં અમુક મહિલાઓ જુગાર માટે પંકાઈ ગયી છે. આ મહિલાઓ પૈકી અમુક મહિલાઓએ જુગાર શરૂ કરી દીધો હોવાની સ્થાનિક પોલીસને બાતમી મળી હતી. પોલીસે બાતમીના આધારે હર્ષા સુરેશભાઈ માણસોરીયાના મકાનમાં રેડ કરી હતી.

પોલીસે રેડ કરતાં જુગાર રમી રહેલી હર્ષા સુરેશભાઈ માણસોરીયા, પન્ના રાજેશભાઈ કાનાબાર, ચેતના હર્ષદભાઇ ધેટીયા, દક્ષાબહેન હકાભાઈ અને મંજુલાબહેન ચંદુભાઈ નાનેરા રંગેહાથ ઝડપાઇ હતી. પોલીસે રૂપિયા રૂ.13 હજાર રોકડા તથા પાંચ નંગ મોબાઈલ મળી કુલ 45 હજારના મુદામાલ સહિતનો મુદ્દામાલ જપ્ત કરી આગળની કાર્યવાહી હાથ ધરી છે.