મદદ:વાડીનારમાં 55 દિવ્યાંગોને 4.15 લાખની સાધન સહાય

દેવભૂમિ દ્વારકા જિલ્લાના ખંભાળિયા તાલુકાના વાડીનાર ખાતે 55 જેટલા દિવ્યાંગોને 4.15 લાખની સાધન સહાય ચુકવવામાં આવી હતી.દિવ્યાંગોને સહાયરૂપ થતી વ્હીલચેર તેમજ મોટરસાઇકલ સહિતની વસ્તુઓ આપવામાં આવી હતી.

દેવભૂમિ દ્વારકા જિલ્લાના ખંભાળીયા તાલુકાના વાડીનાર ગામે સેન્ટ આર્ટસ સ્કુલ ડીપીટી કોલોની ખાતે ઇન્ડીયન ઓઇલ કોર્પોરેશન લી.તરફથી સામાજિક દાયિત્વ અન્વયે જિલ્લા સમાજ સુરક્ષા કચેરી દ્વારકા દ્વારા સહાય વિતરણ કેમ્પ યોજવામાં આવ્યો હતો.

વાડીનાર ખાતે યોજાયેલા આ કેમ્પમાં 4.15 લાખની સાધન સહાય ચુકવવામાં આવી હતી.કાર્યક્રમમાં લાભાર્થીઓને મોટરસાઇકલ,ટ્રાયસીક્લ અને મોબાઇલ ફોન તેમજ વ્હીલચેર સહીતની સામગ્રીઓનું દિવ્યાંગ લાભાર્થીઓને વિતરણ કરવામાં આવ્યું હતું.