આત્મહત્યા:પિતાએ બુટી લેવાની ના પાડતા પુત્રીનો આપઘાત, માઠુ લાગતા ઘરે ચુંદડી વડે ફાંસો ખાધો, ધ્રોલ

ધ્રોલમાં યુવતિએ ઘરે ગળાફાંસો ખાઇ આયખું ટુંકાવી લીઘુ હતુ.મૃતકે સોનાના બુટીયા હાલ લેવાની તેના પિતાએ ના પાડતા માઠુલાગી આવતા આ પગલુ ભરી લીધાનુ પોલીસમાં જાહેર થયુ છે.ધ્રોલમાં ખારવા રોડ પર ચાંમુડા નગર વિસ્તારમાં રહેતી રતનબેન ગીરધરભાઇ ચાવડા(ઉ.વ.20) નામની યુવતિએ ગત તા.24ના ઘરે ચુંદડી વડે ગળાફાંસો ખાઇ આયખું ટુંકાવી લીઘુ હતુ.

બનાવની મૃતકના પિતા ગીરધરભાઇ જીવરાજભાઇ ચાવડાએ જાણ કરતા ધ્રોલ પોલીસે મૃતદેહનો કબજો સંભાળ્યો હતો. મૃતકના પરીજનનુ પોલીસે નિવેદન નોંધ્યુ હતુ જેમાં મૃતકને હાલ તેના પિતાએ ચાંદીના સાંકળા લઇ દીધા હતા જે દરમિયાન પુત્રીએ સોનાની બુટીની માંગણી કરતા હાલ પૈસા ન હોવાથી ના પાડતા આ બાબતે મનમાં લાગી આવતા આ પગલુ ભરી લીધુ હતું.