તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Local
  • Gujarat
  • Jamnagar
  • 'Demolish The Walls Of Farm Houses On Dhinchada Road, 30 Houses In Kharaberaja As They Are Dangerous From The Point Of View Of Security'

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

ખળભળાટ:‘ઢીંચડા રોડ પર ફાર્મ હાઉસીસની દિવાલો, ખારાબેરાજાના 30 મકાનો સુરક્ષાની દૃષ્ટિએ જોખમી હોવાથી તોડી પાડો’

જામનગર23 દિવસ પહેલા
  • કૉપી લિંક
પ્રતિકાત્મક તસવીર. - Divya Bhaskar
પ્રતિકાત્મક તસવીર.
  • જામનગર એરફોર્સના ગૃપ કેપ્ટને મ્યુ. કમિશનરને પત્ર લખ્યો
  • એરફાેર્સ સત્તાવાળાઓએ પોતાની રીતે લોકોને સમજાવવાનો પ્રયાસ કર્યો, જે નિષ્ફળ રહેતા મહાપાલિકાની મદદ માંગી

જામનગર શહેરના એક સમયે ભાગોળે આવેલા એરફોર્સ સ્ટેશન સમયની સાથે શહેર વધતા શહેરની લગભગ વચ્ચોવચ આવી ગયું છે તેની આજુબાજુ વસ્તી વધારો પણ થઈ રહ્યો છે. અમૂક બાંધકામો તો એરફોર્સથી એકદમ નજીક થઈ ગયા છે જેના કારણે સુરક્ષાના પ્રશ્નો ભવિષ્યમાં ઉભા થાય તેમ છે. આ અંગે એરફોર્સના ઉચ્ચ અધિકારીઓ દ્વારા સત્તાવાર રીતે 8 મુદ્દાઓ કે જે સુરક્ષાની દ્રષ્ટિએ ખૂબજ જોખમી છે તેમાં પગલાં લેવા મહાપાલિકાને કાગળ લખતા ભારે ચકચાર મચી જવા પામી છે.

જામનગર શહેરના ઢીંચડા રોડ અને રોઝી પેટ્રોલ પંપ પાસે આવેલા એરફોર્સ સ્ટેશનની આજુબાજુ અમૂક બાંધકામો એરફોર્સના નીતિ-નિયમોનો છડેચોક ભંગ કરે છે જે અંગે એરફોર્સ દ્વારા જામનગર મહાનગરપાલિકાના તંત્રને કાગળ લખી જણાવવામાં આવ્યું છે કે, અમૂક બાંધકામો અને રહેણાંક જે નિયમ મુજબ નથી અને એરફોર્સના નિયમો મુજબ શક્ય પણ નથી તે બની ગયા છે જેમને દૂર કરવા ખૂબજ જરૂરી છે.

આ અંગેનો કાગળ મહાપાલિકાના મ્યુનિ. કમિશનરને લખવામાં આવ્યો છે જે કાગળ બાદ મહાપાલિકામાં હડકંપ મચી ગયો છે જેની જવાબદારી આવે છે તે ટીપીઓ શાખામાં આ કાગળથી ભારે હલચલ મચી ગઈ છે. બીજું એરફોર્સની આજુબાજુ થઈ ગયેલા જોખમી બાંધકામો પહોંચતા-પામતા લોકોના હોય, મહાપાલિકા હાથ જોડીને બેઠી હોય તેવું ચિત્ર ઉપસી રહ્યું છે, પરંતુ જ્યારે સુરક્ષાનો પ્રશ્ન આવે ત્યારે કોઈપણ પ્રકારની લાપરવાહી ચલાવી શકાય નહીં જે માટે તંત્ર દ્વારા હજુ પણ પગલાં માટે વિચારણા ચાલી રહી છે. મહાપાલિકા હવે બાંધકામોના સર્વે કરી નોટિસ આપી કાર્યવાહી કરશે.

આ બાંધકામો સામે એરફોર્સે સખત વાંધો ઉઠાવ્યો

  • 2 દીવાલ કટારિયા ફાર્મ હાઉસ, ઢીંચડા રોડ.
  • 3 દીવાલ ભાલોડિયા ફાર્મ હાઉસ, ઢીંચડા રોડ.
  • અમૂક ઝૂંપડાઓ તેમજ દુકાનો, ટાવર 30ની નજીક.
  • 1 દીવાલ આણદાબાવા સેવા સંસ્થા અને ગૌશાળા ટ્રસ્ટની ઢીંચડા ગામમાં.
  • 1 દીવાલ જયેન્દ્રસિંહ જાડેજાની એમએપી કવાર્ટરની સામે.
  • ઢીંચડા ગામમાં દેવરાજભાઈ નામના વ્યક્તિએ મકાન બનાવવાનું શરૂ કર્યું છે.
  • ખારાબેરાજા ગામના એરિયામાં 30 જેટલા મકાનો બની ગયા છે.
  • એરફોર્સ-2 રોઝી પેટ્રોલ પંપ પાસેની દીવાલોમાં લોકો ગાડીઓ પાર્ક કરે છે જે સુરક્ષાની દ્રષ્ટિએ અતિ જોખમી છે.

સર્વે કરીને કામગીરી કરાશે: TPO
હા, અમને એરફોર્સ સત્તાવાળાઓ તરફથી કાગળ મળ્યો છે તેમાં દર્શાવેલા બાંધકામો અંગે અમે તપાસ કરી આ અંગે સર્વે કરી નોટિસ આપી આગળની કાર્યવાહી ચોક્કસ પણે કરવામાં આવશે. - શૈલેષ જોષી, ટીપીઓ, જામ્યુકો.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમે તમારા વ્યક્તિગત સંબંધને મજબૂત કરવામાં વધારે ધ્યાન આપશો. સાથે જ તમારા વ્યક્તિત્વ અને વ્યવહારમાં થોડું પરિવર્તન લાવવા માટે સમાજસેવી સંસ્થાઓ સાથે જોડાવવું અને સેવા કાર્ય કરવું ખૂબ જ યોગ...

    વધુ વાંચો