કોરોના અપડેટ:કોરોનાનું સંક્રમણ તળિયે, 8 નવા કેસ, 3 દર્દીના મોત, કોરોનાને મ્હાત આપતા 10 દર્દી ડિસ્ચાર્જ

જામનગર શહેર-જિલ્લામાં કોરોનાનું સંક્રમણ તળિયે પહોંચતા 24 કલાકમાં ફકત 8 કેસ નોંધાયા છે. શહેરની જી.જી.ની કોવિડ હોસ્પિટલમાં વધુ 3 દર્દીના મોત નિપજયા છે. જામનગરમાં કોરોનાનું સંક્રમણ ઘટતા પોઝિટિવ કેસની સંખ્યા સીંગલ ડિઝિટમાં પહોંચી છે. જો કે, સોમવારે રાત્રીથી મંગળવારે સાંજ સુધીમાં જી.જી.હોસ્પિટલના કોવિડ વોર્ડમાં સારવાર લઇ રહેલા વધુ 3 દર્દીના મોત નિપજયા છે. જયારે મંગળવારે શહેરમાં 6 અને જિલ્લામાં ફકત 2 પોઝિટિવ કેસ નોંધાયા છે. જેની સામે શહેરમાં 10 દર્દીઓએ કોરોનાને મ્હાત આપતા હોસ્પિટલમાંથી ડિસ્ચાર્જ કરવામાં આવ્યા છે.