અકસ્માત:સિમેન્ટનું ભુંગળું માથે પડતાં બાળકનું મોત, ધ્રોલ તાલુકાના મોડપર ગામે ઘરના ફળિયામાં રમી રહ્યો હતો ત્યારે બનેલી ઘટના

ધ્રોલ તાલુકાના મોડપર ગામે રહેતા એક શ્રમિક પરીવારનો છ વર્ષનો માસુમ પુત્ર ઘરના આંગણામાં રમી રહયો હતો ત્યારે અકસ્માતે માથે સિમેન્ટનુ ભુંગળુ પડતા ગંભીર ઇજા થવાથી તેનુ મૃત્યુ નિપજયુ હતુ. આ બનાવના પગલે શ્રમિક પરીવારમાં ઘેરો શોક છવાયો હતો.

ધ્રોલ તાલુકાના મોડપરમાં રહેતા અને મજુરીકામ કરતા કિશોરભાઇ પાલાભાઇ મકવાણાનો માસુમ પુત્ર હેમંત (ઉ.વ.06) તેના ઘરના આંગણામાં રમી રહયો હતો ત્યારે અકસ્માતે તેના માથે સિમેન્ટનુ ભુંગળુ પડતા ગંભીર ઇજા થવાથી તેને સ્થાનિક હોસ્પીટલ બાદ વધુ સારવાર માટે જામનગરની જી.જી.હોસ્પીટલમાં લઇ જવાયો હતો.

જયાં ફરજ પરના તબીબે તેને મૃત ઘોષિત કર્યા હતો.આ બનાવની મૃતકના પિતા કિશોરભાઇ મકવાણાએ જાણ કરતા ધ્રોલ પોલીસની ટીમ દોડી ગઇ હતી અને મૃતદેહનો કબજો સંભાળીને ઘોરણસર કાર્યવાહી હાથ ધરી હતી.માસુમ બાળકનો ભોગ લેવાતા શ્રમિક પરીવારમાં ઘેરો શોક છવાયો હતો.જયારે નાના એવા ગામમાં પણ અરેરાટી વ્યાપી જવા પામી હતી.