આખલા યુદ્ધ:જામનગર નજીક દરેડ ગામમાં ચાર આખલા વચ્ચે યુદ્ધ થતા અફરાતફરી, એક આખલાનું મોત

જામનગરના દરેડ ગામમાં મસીતીયા તરફ જતા રસ્તા પર ચાર આખલા આમને સામને આવી જતા થોડી વાર માટે અફરાતફરીનો માહોલ સર્જાયો હતો. આખલા યુદ્ધના કારણે રસ્તા પર વાહનવ્યવહાર થોડી વાર માટે બંધ થઈ ગયો હતો.

ચાર આખલાઓ ઝઘડતા લોકોએ છુટા પડાવવાનો પ્રયાસ કર્યો હતો. ચાર આખલાના યુદ્ધમાં એક આખલાનું મોત થયું હતું. આખલાના યુદ્ધની ઘટના સીસીટીવીમાં કેદ થઈ હતી.

આ ઘટનાને લઈ સ્થાનિક લોકોમાં ડરનો માહોલ જોવા મળ્યો હતો. સ્થાનિક લોકોએ આ વિસ્તારમાં રખડતા પશુની અનેકવાર ફરિયાદ કરી હોવા છતા પ્રશાસન આંખ આડા કાન કરતું હોવાનો લોકોએ આક્ષેપ કર્યો હતો.