ધરપકડ:ભાવનગરનાે બુટલેગર જામનગરમાં પકડાયો

જામનગર નજીક કનસુમરા પાટીયા પાસેથી સ્પેશ્યલ ઓપરેશન ગ્રૃપે ભાવનગરના વેળાવદર ભાલ પોલીસ મથકના દારૂના ગુનામાં ફરાર આરોપીને દબોચી લીઘો હતો જેનો કબજો સંબંધિત પોલીસ મથકને સોંપવાની તજવિજ હાથ ધરાઇ છે.પોલીસસુત્રોમાંથી મળતી વિગત મુજબ જામનગરમાં એસઓજીના પી. આઇ. એસ.એસ.નિનામાના માર્ગદર્શન હેઠળ પીએસઆઇ આર.વી. વિંછી અને વી.કે.ગઢવીના નેતૃત્વમાં પોલીસ ટુકડી પેટ્રોલિંગ કરી રહી હતી જે વેળાએ પોલીસ ટીમને ભાવનગરના દારૂના ગુનામાં નાસતો ફરતો એક આરોપી કનસુમરા પાટીયા પાસે ઉભો હોવાની બાતમી મળી હતી.

જેથી પોલીસે ત્વરીત ધસી જઇને નાસતા ફરતા આરોપી પ્રદીપગીરી ઉર્ફે દિપક શંકરગીરી ગોસ્વામી (રે.ગોકુલનગર)ને દબોચી લીધો હતો.પોલીસે ટુકડીએ જરૂરી તપાસ બાદ તેનો કબજો પંચ બી પોલીસ મથકને હવાલે કર્યો હતો.આરોપી ભાવનગરના વેળાવદર ભાલ પોલીસ સ્ટેશનના પ્રોહિબિશનના ગુનામાં નાસતો ફરતો રહયો હોવાનુ પોલીસસુત્રોએ જણાવ્યુ હતુ.હવે તેનો કબજો લેવા લગત પોલીસ મથક દ્વારા તજવિજ હાથ ધરાઇ હોવાનુ જાણવા મળ્યુ છે.