વાતાવરણ:જામનગરમાં ઘુમ્મસની ચાદર છવાઇ, ઠંડી વધવાના અણસાર..

જામનગરમાં રવિવારે વહેલી સવારે શિયાળાની સીઝનમાં પ્રથમ વખત ધુમ્મસની ચાદર છવાઇ હતી. જેના કારણે ખુશનુમા વાતાવરણ જોવા મળ્યું હતું. શહેરના હાપા માર્કેટ યાર્ડ પર ધુમ્મસના સામ્રાજયના કારણે વાહનચાલકોને આવાગમનમાં ભારે મુશ્કેલી પડી હતી. રવિવારે લઘુતમ અને મહતમ તાપમાન બંનેમાં વધારો થતાં ગરમીનું જોર વધ્યું હતું. પરંતુ ધુમ્મસના કારણે આગામી દિવસોમાં ઠંડી વધવાની શકયતા નકારી શકાતી નથી.