દુખદ:મોટા વડાળામાં પેટમાં દુ:ખાવાથી સગર્ભાનું મોત, હોસ્પિટલમાં સારવારમાં મહિલાએ દમ તોડયો

કાલાવડ તાલુકાના મોટા વડાળા ગામે રહેતી શ્રમિક સર્ગભા યુવતિને ખચાનક પેટમાં દુ:ખાવો ઉપડતા સારવાર માટે રાજકોટની હોસ્પીટલ ખાતે લઇ જવાઇ હતી.જયાં સારવાર દરમિયાન તેણીનુ મૃત્યુ નિપજયુ હતુ. મોટા વડાળા ગામે રહેતી અને ખેતમજુરી કામ કરતી પરપ્રાંતિય સર્ગભા ભારતીબેન પ્રકાશભાઇ નાયકા (ઉ.વ.30)ને ગત તા.4ના રોજ સવારે અચાનક પેટમાં દુ:ખાવો ઉપડતા તાત્કાલિક સારવાર અર્થે રાજકોટની સરકારી હોસ્પીટલમાં લઇ જવાઇ હતી.

જયાં ટુંકી સારવાર દરમિયાન તેનુ મૃત્યુ નિપજયુ હતુ.આ બનાવની મૃતકના પતિ પ્રકાશભાઇ બચુભાઇ નાયકાએ જાણ કરતા કાલાવડ ગ્રામ્ય પોલીસની ટુકડી તુરંત રાજકોટની હોસ્પીટલ ખાતે દોડી ગઇ હતી.પોલીસે મૃતદેહનો કબજો સંભાળી પોષ્ટમોર્ટમ કરાવી વધુ તપાસ હાથ ધરી છે.આ બનાવના પગલે ખેતમજુર પરીવારમાં ઘેરા શોકની લાગણી છવાઇ છે.

જામનગરમાં વાઘેરવાડા નજીક બચુનગર ખાતે રહેતા આરઝુબેન મહેબુબભાઇ પીઠડીયા (ઉ.વ.25) નામની પરિણીતાને વધુ પડતા રકતસ્ત્રાવના કારણે સારવાર અર્થે જી.જી. હોસ્પીટલમાં લઇ જવાયા હતા જયાં તેનુ મૃત્યુ નિપજયુ હતુ.સીટી એ પોલીસે તેના પતિ મહેબુબભાઇનુ નિવેદન નોંધી વધુ તપાસ હાથ ધરી છે.