જામનગર મહાનગરપાલિકાની ચૂંટણી:મહાપાલિકાની ચૂંટણીમાં વધુ 16 ઉમેદવારી પત્ર ભરાયા

જામનગર મહાનગરપાલિકાની ચૂંટણીમાં વધુ 16 ઉમેદવારી પત્ર ભરાયા છે. જેમાં વોર્ડ નં. 14 માં 12, 6 અને 9 માં 1, 13 માં 2 નામાંકન પત્રનો સમાવેશ થાય છે. કોંગ્રેસના ઉમેદવારોએ ફોર્મ ભરવાનું શરૂ કર્યું છે.

જામનગર મહાનગર-પાલિકાની 16 વોર્ડની 64 બેઠકો માટેની સામાન્ય ચૂંટણીમાં બુધવારે બે ઉમેદવારી પત્ર ભરાયા હતાં. જયારે ગુરૂવારે વધુ 16 નામાંકન પત્ર ભરાયા છે. જેમાં વોર્ડ નં 14 માટે 12, વોર્ડ નં.6 અને 9 માટે એક-એક અને વોર્ડ નં.13 માટે 2 નામાંકન પત્ર ભરાયા હતાં. કોંગ્રેસે પ્રથમ યાદીમાં જામનગર મહાપાલિકાની ચૂંટણી માટે 27 ઉમેદવારોના નામો જાહેર કર્યા છે. ત્યારે ગુરૂવારે કોંગ્રેસના ઉમેદવારોએ ચૂંટણીના ફોર્મ ભરવાનું શરૂ કર્યું છે.