દુર્ઘટના:માછરડાની વીડીમાં વિકરાળ આગ

કાલાવડના માછરડા ગામે ગૌચરની વીડીમાં આગ ભભૂકી ઉઠતા ભારે દોડધામ મચી જવા પામી હતી. સ્થાનિક લોકો અને ફાયરબ્રિગેડની મદદથી આગને કાબૂ લેવામાં આવી હતી, પરંતુ ત્યાં સુધી અનેક નાના-મોટા પક્ષીઓ અને જીવજંતુઓ આગની હડફેટે આવી ગયા હતા.

કાલાવડ તાલુકાના માછરડા ગામે આવેલી ગૌચરની વીડીમાં ગુરૂવારે બપોરના સમયે એકાએક આગ ભભૂકી ઉઠી હતી જેની જાણ થતાં આજુબાજુના તેમજ ગામના યુવાનો તેમજ ફાયરબ્રિગેડ ઘટનાસ્થળે દોડી ગયું હતું અને મહામહેનતે આગ પર કાબૂ મેળવ્યો હતો. આગ લાગવાના કારણે વીડીમાં અનેક પ્રકારના જીવજંતુઓ તથા પક્ષીઓ ભુંજાઈ ગયા હતા.