કોરોના અપડેટ:કોરોનાના 6 નવા કેસ, 1 દર્દીનું મોત

જામનગરમાં કોરોનાના કેસમાં ધીમી ગતિએ વધારો થતાં નવા 6 પોઝિટિવ કેસ નોંધાયા છે. જયારે 1 દર્દીનું મોત નિપજયું છે જામનગર શહેર-જિલ્લામાં સ્થાનિક સ્વરાજયની ચૂંટણી પ્રક્રિયા શરૂ થઇ ગઇ છે ત્યારે શહેરમાં શનિવારે કોરોનાના 6 નવા કેસ નોંધાયા હતાં. જયારે જિલ્લામાં એકપણ કેસ નોંધાયો ન હતો.

શહેરમાં 24 કલાકમાં જી.જી.હોસ્પિટલના કોરોના વોર્ડમાં 1 દર્દીનું મોત નિપજયું છે. જો કે, શનિવારે જી.જી.હોસ્પિટલમાંથી કોઇ દર્દીને ડિસ્ચાર્જ કરાયો ન હતો. જિલ્લામાં 2 દર્દીએ કોરોના મહામારીને મહાત આપતા હોસ્પિટલમાંથી રજા અપાઇ હતી.