કોથમરી 200 રૂપિયા કિલો:ભારે વરસાદના કારણે જામનગરમાં શાકભાજીની આવકમાં 50 ટકાનો ઘટાડો

જામનગર17 દિવસ પહેલા
  • કૉપી લિંક
  • ચોળી અને પરવર બજારમાં માંડ માંડ જોવા મળે છે, ગૃહિણીઓમાં દેકારો

જામનગર સહિત રાજ્યભર મેઘરાજાએ ધમાકેદાર બેટિંગ કરી હતી. જેની અસર શાકભાજી પર પડતા તેના ભાવ આસમાને પહોંચ્યા છે. તાજેતરમાં રાજયના મોટા ભાગના વિસ્તારમાં સપ્તાહ સુધી અવિરત વરસાદ પડતા ખેતરોમાં પાણી ભરાયેલા રહેતા ઊભો પાક નાશ પામ્યો છે. જેથી શાકભાજીની આવક 50 ટકાનો ઘટાડો નોંધાતા ભાવ બમણાં થઇ ગયા છે. જેને કારણે ભીંડા, ગુવાર, ટીંડોળા સહિતના શાકભાજીના ભાવ પ્રતિકિલો રૂ. 80થી 100એ પહોંચી ગયા છે. જ્યારે ચોળી અને પરવર તો બજારમાં માંડ માંડ જોવા મળે છે.

તો બીજી તરફ ટમેટા અને લીંબુ બાદ હવે કોથમરીના ભાવ આસમાને પહોંચ્યા છે બજારમાં કોથમરી પ્રતિ કિલો રૂપિયા 200 થી 225સુધી વહેંચાઈ રહી છે. જ્યારે રોજિંદા વપરાશમાં આવતા બટાકાના ભાવ પણ રૂ. 30 કિલો થઇ ગયા છે. જેના કારણે ગૃહિણીઓનું બજેટ ખોરવાઇ ગયું છે. હજુ પણ લીંબુના ભાવ છૂટક બજારમાં રૂ. 70થી 80 કિલોએ ચાલી રહ્યા છે. જ્યારે લીલા મરચાંથી માડીને સિમલા મરચાના ભાવમાં પણ વધારો જોવા મળ્યો છે.

ફેકટ ફાઇલ - શાકભાજીના છૂટક તથા હોલસેલના ભાવ કિલોએ

શાકભાજીછૂટકહોલસેલ
ભીંડા100 થી 11555થી 70
ટીંડોળા80થી 10055થી 60
ગવાર120થી 14090થી 100
કંકોડા100થી 12095થી 100
ચોળી120થી 14095થી 100
કારેલા60થી 7040થી 45
કોથમીર200થી 225150થી 180
લીંબુ60થી 7030થી 40
રીંગણા40થી 5020થી 30

​​​​​​​

અન્ય સમાચારો પણ છે...