સાહસ:જામનગર શહેરના 5 સાહસિકોએ 40 કલાકમાં 600 કિમી સાયકલ સવારી કરી

જામનગરમાં સાઇકલિંગ કલબ દ્વારા અવાર-નવાર સાઇકલ સવારીનું આયોજન કરવામાં અાવે છે. જેમાં આ વખતે પણ શહેરના 5 સાઇકલસવારે 40 કલાકમાં 600 કીલોમીટરની સાઇકલીંગ કરી હતી. જામનગર સાઈકલિંગ ક્લબના પાંચ સાઈકલિંગ રજનીશ ઘેડીયા, ધર્મેન્દ્રસિંહ જેઠવા, મિતેષ પાલા, હેમાંગ કાનાબાર, પ્રકાશ કટારમલ તા.13ના સવારે 600 કિમી સાઇકલ સવારી કરવાં જામનગર-રાજકોટ-ઉપલેટા થઇ પોરબંદર પહોચ્યા અને પરત જામનગર 40 કલાકમાં રવિવારે રાત્રે 10 વાગ્યે પરત ફર્યા હતાં.

બે મહિનાઓમાં 100, 200, 300, 400 અને 600 કિ.મી. બ્રેવેટ્સ સીરીઝ એક જ વર્ષમા ઉત્તીર્ણ કરી સૂપર રેંડનેયૂરનો ખિતાબ પણ હસ્તગત કર્યો છે. ભારતભરના સાઈકલ સવારોમાંથી ગત વર્ષે ફક્ત 412 સાઈકાલિસ્ટ જ આ સિધ્ધિ પામી શક્યા છે. રજનીશભાઈ ઘેડીયાએ આ સિદ્ધિ એક જ વર્ષમાં બે વખત મેળવી છે. જામનગર સાઈકલિંગ ક્લબ આપ સૌને દિનચર્યામાં સાઇકલ ચલાવવાં અને રોજબરોજનાં કામો માટે સાઇકલ સવારી કરવાં જામનગર સાઇક્લીંગ ક્લબના પ્રમુખ ડો. પ્રશાંત તન્નએ આહવાન કર્યું છે.