તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

વિરોધ:જામનગર નગર પ્રાથમિક શિક્ષણ સમિતિના 402 શિક્ષકોએ શિક્ષક સજ્જતા સર્વેક્ષણની પરીક્ષા ના આપી

જામનગર25 દિવસ પહેલા
  • જામનગર શહેરમાં પરીક્ષા ખંડોમાં ફક્ત સુપરવાઈઝર જ જોવા મળ્યા

જામનગર જિલ્લા સહિત સમગ્ર રાજ્યભરમાં મંગળવારના રોજ રાજ્ય શિક્ષણ વિભાગ દ્વારા આયોજિત કરવામાં આવેલ શિક્ષણ સજ્જતા સર્વેક્ષણ પરીક્ષાનો વિવિધ શિક્ષક સંઘોના વિરોધ વચ્ચે જામનગર જિલ્લા સહિતના શિક્ષકો સજ્જતા સર્વેક્ષણ પરીક્ષામાં દેખાયા ન હતા.

આજરોજ બપોરે 2 થી 4 દરમિયાન યોજાયેલી પરીક્ષા દરમિયાન શિક્ષકો દ્વારા પરીક્ષાનો વિરોધ કરાતા પરીક્ષા ખંડમાં ફક્ત સુપરવાઈઝર જ દેખાયા હતા. જામનગર નગર પ્રાથમિક શિક્ષક સંઘના શિક્ષકોએ પહેલાથી જ પરીક્ષાનો બહિષ્કાર કર્યો હોય આજે પરીક્ષામાં શિક્ષકો ગેરહાજર જોવા મળ્યા હતા.

ગુજરાત રાજ્ય નગર પ્રાથમિક શિક્ષક સંઘના પ્રમુખ ચંદ્રકાંત ખાખરિયાએ કહ્યું હતું કે, સરકારે અમોને 4200 ગ્રેડ પે મામલે બેઠક કરવા 26મી તારીખે બોલાવ્યા છે ત્યારે મીટીંગમાં અમારા પ્રશ્નોની ચર્ચા કરાયા બાદ અમે આગળની રણનીતિ નક્કી કરીશું.

અન્ય સમાચારો પણ છે...