દારૂની હેરાફેરી:જામનગરમાં દિગ્વિજય પ્લોટ અને જીઈબી ગેટ પાસેથી દારૂની હેરાફેરી કરતા 4 ઝડપાયા

જામનગરમાં સાત રસ્તા નજીક આઇટીઆઇ કોલેજ સામે જીઇબી ગેઇટ પાસેથી પોલીસે કૌશિક શંકરલાલ કેવલીયાને દારૂની બોટલ સાથે દબોચી લીઘો હતો.જયારે આ જ વિસ્તારમાંથી સીટી સી પોલીસે ધવલ ચંદુભાઇ ગોસ્વામીને પણ દારૂની બોટલ સાથે પકડી પાડી તેની સામે પ્રોહિબિશન એકટ હેઠળ કાર્યવાહી હાથ ધરી હતી.

દિગ્વિજય પ્લોટ-49 રોડ પર સીટી સી પોલીસે દિપેશ પ્રાગજીભાઇ ચૌહાણને દારૂની બોટલ સાથે પકડી પાડયો હતો. જયારે તેની પુછપરછમાં સપ્લાયરનુ પણ નામ ખુલતા પોલીસે તેની શોધ હાથ ધરી છે. કાલાવડના મોટા વડાળા પાસેથી સંજય ભીખાભાઇ વસોયાને દારૂ સાથે સકંજામાં લીધો હતો.