કાર્યવાહી:હાલારમાંથી 1 વર્ષમાં 22 કીલો ચરસ-ગાંજો ઝડપાયા

જામનગરએક મહિનો પહેલા
  • કૉપી લિંક
  • બંને જિલ્લામાંથી 75 શખસો પકડાયા

રાજયના વિધાનસભા સત્રમાં કોંગી ધારાસભ્યના પ્રશ્નના ગૃહમંત્રીએ હાલારમાં એક વર્ષમાં 22 કીલો ચરસ અને ગાંજો ઝડપાયા હોવાનું જણાવ્યું હતું. માદક દ્રવ્યોના પ્રકરણમાં બંને જિલ્લામાંથી 75 શખસો ઝડપાયા હતાં. 7 ની ઘરપકડ બાકી હોવાનું ગૃહમંત્રીએ ઉમેર્યું હતું.

રાજયના ચાલુ વિધાનસભા સત્રમાં ખંભાળિયાના કોંગી ધારસભ્ય વિક્રમ માડમે જામનગર અને દેવભૂમિ દ્વારકા જિલ્લા તા.31/12/2020ની સ્થિતિએ પોલીસે કેટલો ગેરકાયદેસર ડ્રગ્સનો જથ્થો પકડી પાડયો અને કેટલા આરોપીની ઘરપકડ કરવામાં આવી તે પ્રશ્ન ઉઠાવ્યો હતો. જેના પ્રત્યુતરમાં રાજયના ગૃહમંત્રીએ જણાવ્યું હતું કે, તા.1/1/2020 થી 31/12/2020 સુધીમાં દ્રારકા જિલ્લામાંથી 9.861 કીલોગ્રામ ગાંજો, 6.732 કીલોગ્રામ ચરસ પકડાયા હતાં.

જયારે જામનગર જિલ્લામાંથી 5.510 કીલોગ્રામ ગાંજો, 26.85 મીલીગ્રામ મેફેડ્રોન પોલીસે પકડી પાડયા હતાં. જયારે આ સમયગાળામાં પોલીસે માદક દ્રવ્યોની હેરાફેરી સબબ દ્વારકા જિલ્લામાંથી 31 અને જામનગર જિલ્લામાંથી 44 શખસોની ઘરપકડ કરી હતી. જયારે દ્વારકા જિલ્લામાં 1 અને જામનગર જિલ્લામાં 6 શખસનો ધરપકડ બાકી હોવાનું ગૃહમંત્રીએ જણાવ્યું હતું.

અન્ય સમાચારો પણ છે...