દરોડા:જામનગરમાં 17 કિલો કાર્બાઇડયુક્ત કેરી, 1 કિલો વાસી નુડલ્સનો નાશ કરાયો

જામનગરમાં ઉનાળાની સીઝનને અનુલક્ષીને મનપાની ફુડશાખા દ્વારા કાલાવડ નાકા બહાર ફખરી ફાલુદા સેન્ટરમાંથી ગુલાબ ફાલુદો, અમરદીપ એજન્સીમાંથી આઇસક્રીમ, કોહીનુર ડેરીમાંથી મિકસ દૂધ, એ-વન આઇસક્રીમમાંથી આઇસક્રીમ, ફ્રેશકુલ આઇસક્રીમમાંથી ફાલુદો, લીમડાલાઇન રાજલક્ષ્મી બેકર્સમાંથી ગાર્લિક બ્રેડ, પટેલ કોલોનીમાં સમોસા હબમાંથી સમોસા, ત્રણ દરવાજા પાસે ભેરૂનાથ દુકાનમાંથી આઇસક્રીમના નમૂના લેવામાં આવ્યા હતાં.

તદઉપરાંત શહેરમાં શાક માર્કેટ, સટ્ટાબજાર, મોચી શાળનો ઢાળિયા વિસ્તારમાં કેરીના વિક્રેતા યુસુફ મામદ બજરિયા, જાવેદ ગજાજ, યુનુસ ગોળવાલા, હારૂનભાઇ સેરાવારા, હસન લશ્કરી, ગીતા ફ્રુટ, બસીર સેરાવારા, સલીમ મીરચી, યુસુફ એચ.એન, યુસુન ડાલુ, સકીલ હોલીને ત્યાં ચેકીંગ હાથ ધર્યું હતું. જેમાં યુનુસ મામદ બજરિયાના કેરીના ગોડાઉનમાં 5 કીલો કેરી, યુસુફ લાલપરિયાના ગોડાઉનમાં 7 કીલો, મહમદ મેમણના ગોડાઉનમાં 5 કીલો કેરી કાર્બાઇડયુકત જણાતા સ્થળ પર નાશ કરાયો હતો.

પટેલ કોલોનીમાં સમોસા હબ અંગે મળેલી ઓનલાઇન ફરિયાદના અનુસંધાને ચેકીંગ કરતા 1 કીલો નુડલ્સ અને 3 કીલો આટો વાસી અને અખાધ મળી આવતા સ્થળ પર નાશ કરાયો હતો. સાથે સાથે રસોડામાં સ્વચ્છતા જાળવવા સૂચના આપવામાં આવી હતી.

આ 27 હોટલ-રેસ્ટોરન્ટને રસોડામાં સ્વચ્છતા જાળવવા, વાસી ખોરાક ન રાખવા નોટીસ