ધરપકડ:જામનગરમાં ક્રિકેટ મેચ પર સટ્ટો ખેલતો 1 શખસ ઝબ્બે

જામનગરના વિકાસગૃહ મેઇન રોડ પર રાત્રે ટવેન્ટી ટવેન્ટી મેચ પર મોબાઇલ મારફતે સટ્ટો રમતા એક શખ્સને પોલીસે દબોચી લીઘો હતો અને રોકડ-મોબાઇલ કબજે કર્યા હતા. આરોપી સામે જુગારધારા હેઠળ પોલીસે ગુનો નોંધ્યો હતો. જામનગરમાં સીટી બી પોલીસની ટીમને પેટ્રોલિંગ વેળા વિકાસગૃહ મેઇન રોડ પર એક શખ્સ પોતાના મોબાઇલ ફોનમાં આઇડી પર અબુધાબીમાં રહેતા કલંદર-દિલ્હી બુલ્સ વચ્ચેના ટવેન્ટી ટવેન્ટી મેચ પર હાર જીતના સોદા પાડી જુગાર રમતો હોવાની બાતમી મળી હતી

જેના આધારે પોલીસ ટીમ ત્વરિત ધસી જતા સ્થળ પર ભાવેશ અશોકભાઇ રાયઠ્ઠા નામનો શખસ મળી આવ્યો હતો. પોલીસને આ શખ્સ પોતાના મોબાઇલમાં એપ્લીકેશન ડાઉનલોડ કરી તેના પર ઉકત મેચના સોદા પાડી હારજીત કરતો માલુમ પડતા તેના કબજામાંથી રૂ.3,600ની રોકડ અને એક મોબાઇલ સહિત રૂ. 13,600ની માલમતા કબજે કરી જુગારધારા હેઠળ કાર્યવાહી હાથ ધરી હતી.