દિલ્હી આંદોલન:આજે જામજોધપુરમાં ટ્રેકટર રેલી, એપીએમસી ગ્રાઉન્ડથી રેલીની શરૂઆત

જામજોધપુરમાં મંગળવારે દિલ્હીમાં ચાલી રહેલા ખેડૂત આંદોલનના સમર્થનમાં કિશાન રેલીનું આયોજન કરવામાં આવ્યું છે. 26 જાન્યુઆરીના ટ્રેકટર રેલીના પગલે તંત્ર સતર્ક બન્યું છે. એપીએમસી ગ્રાઉન્ડ ખાતેથી રેલી શરૂ થશે. નવા કૃષિ કાયદાના વિરોધમાં દિલ્હીમાં છેલ્લાં ઘણાં દિવસોથી ખેડૂતો આંદોલન પર ઉતર્યા છે. આટલું જ નહીં 26 જાન્યુઆરીના ખેડૂતોએ દિલ્હીમાં ટ્રેકટર રેલી કાઢવાનું એલાન કર્યું છે. જેના પડધા સૌરાષ્ટ્રમાં પણ પડયા છે.

જામજોધપુરમાં પણ મંગળવારના દિલ્હીમાં ચાલી રહેલા ખેડૂત આંદોલનના સમર્થનમાં ગુજરાત કિશાન સંઘર્ષ સમિતિના હેમતભાઇ ખવાની આગેવાની હેઠળ કિશાનોની ટ્રેકટર રેલી નિકળશે. આ રેલી જામજોઘપુર એપીએમસી ગ્રાઉન્ડ ખાતેથી શરૂ થશે. પ્રજાસતાક પર્વના દિવસે જામજોઘપુરમાં કિશાન રેલીના પગલે પોલીસ અને જિલ્લા વહીવટીતંત્ર સતર્ક બન્યું છે. દિલ્હી સ્થિત આંદોલનને સમર્થન આપવા જામજાેધપુરમાં રેલીનું આયોજન કરાયું છે.