ચૂંટણી:દ્વારકામાં 1,885 મતદારોએ ડીજીટલ ચૂંટણી કાર્ડનો લાભ લીધો

દ્વારકામાં 1885 મતદારોએ ડીજીટલ ચૂંટણી કાર્ડનો લાભ લીધો છે. યુનિક મોબાઇલ નંબર ધરાવતા નવા મતદારો ઇ-એપીક કાર્ડ ડાઉનલોડ કરી શકશે. મતદાર યાદી સુધારણા કાર્યક્રમમાં નવા નોંધાયેલા યુવા મતદારો ડીજીટલ સ્વરૂપમાં પોતાના ચૂંટણી કાર્ડ ડાઉનલોડ કરી શકે તે માટે રાષ્ટ્રીય મતદાતા દિવસે ચૂંટણી પંચ દ્વારા ઇ-એપીક એપ લોન્ચ કરાઈ હતી. જે અંતર્ગત યુનિક મોબાઈલ ધરાવતા નવા મતદારો તેમના મતદાર કાર્ડ ડાઉનલોડ કરી શકશે.

આ ઇલેક્ટ્રોનિક ચૂંટણી કાર્ડને ડાઉનલોડ કરીને ડીજીટલી સાચવી શકાશે. કુલ 5962 યુનિક મોબાઈલ નંબર ધરાવતા યુવા મતદારો નોંધાયા છે. જે પૈકી અત્યાર સુધીમાં 1885 મતદારોએ આ કાર્ડ ડાઉનલોડ કર્યા છે. ખંભાળિયા મતદારવિભાગમાં 906 અને દ્વારકા મતદાર વિભાગમાં 979 મતદારનો સમાવેશ થાય છે. ચુંટણી પંચ દ્વારા આ કાર્ડ ડાઉનલોડ કરવાનીની સમય મર્યાદા વધારીને 28 ફેબ્રુઆરી કરવામાં આવી છે.