રાવ:કલ્યાણપુરમાં પરિણીતા પર ત્રાસ ગુજાર્યાની સાસરિયા સામે ફરિયાદ

કલ્યાણપુરના નાવદ્રા ગામે રહેતા કાનાભાઇ હરદાસભાઈના પુત્રી જશુબેનના લગ્ન આ જ ગામના મશરીભાઈ ડાડુભાઈ ચાવડા સાથે થયા હતા. બાદમાં આરોપી પતિ મશરીભાઈ સાથે સંયુક્ત કુટુંબમાં રહેતા હતા. તેમજ લગ્નજીવન દરમ્યાન સંતાનમાં એક દીકરાનો જન્મ થયેલ અને સાતેક માસ બાદ ફરિયાદી જશુબેનના સાસુ સંતોકબેન ચાવડા તથા સસરા ડાડુભાઇ ચાવડા જશુબેનને ઘરકામ બાબતે મેણા ટોણા મારી ‘’ તું કરિયાવરમાં કાઈ લાવેલ નથી ‘’ તેમ કહી આરોપી પતિ મશરીભાઈને ચડામણી કરતા મશરીભાઈ પણ જશુબેનને ઘરકામ બાબતે તથા રસોઈ બનાવવાનું તને આવડતું નથી તેમ કહી મેણા ટોણા મારી ઝગડો કરી અપશબ્દોનો પ્રયોગ કર્યો હતો. વધુમાં શારીરિક તેમજ માનસિક દુઃખ ત્રાસ આપી જશુબેનને તેના પતિ મશરીભાઈએ ઢીકાપાટુનો માર માર્યો હતો. અને જશુબેનને તેના દીકરા સાથે પહેરેલ કપડે ઘર બહાર કાઢી મુક્તા પરિણીતા જશુબેનએ ઉપરોક્ત આરોપીઓ વિરુદ્ધ ફરિયાદ નોંધાવી છે.