તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

જાહેરનામુ:ખંભાળિયા શહેરમાં નગરનાકાથી જોધપુર ગેઈટ માર્ગ વન વે રહેશે

ખંભાળિયા,દ્વારકા11 દિવસ પહેલા
  • કૉપી લિંક
  • મેજિસ્ટ્રેટે વન-વે ઝોન અને નો-પાર્કિગ ઝોન જાહેર કર્યા

દ્વારકાના મુખ્ય મથક ખંભાળિયામાં ટ્રાફિકનુ ભારણ વધી રહયુ છે ત્યારે જિલ્લા મેજીસ્ટ્રેટ દ્વારા વન વે અને નો પાર્કિગ ઝોન જાહેર કરાયા છે જેમાં નગરનાકાથી જોધપુર ગેઇટ માર્ગ વન વે રહેશે. ખંભાળીયા જિલ્લાનું મુખ્ય મથક હોવાથી તમામ સરકારી કચેરીઓ આવી હોવાથી શહેરમાં વધતા જતાં ટ્રાફીકના કારણે જાહેર રોડ ઉપર ટ્રાફીકની ગીચતા ઉભી થાય છે. શહેરમાં ટ્રાફીક સમસ્યા નિવારવા જાહેર રસ્તાઓ ઉપર વન-વે તથા નો-પાર્કિંગ ઝોન વ્યવસ્થા ઉભી કરવા પોલીસ દ્વારા દરખાસ્ત કરવામાં આવી હતી.જે સંદર્ભે જિલ્લામેજીસ્ટ્રટ દ્વારા જાહેરનામુ પ્રસિધ્ધ કરાયુ છે.

જે મુજબ દ્વારકાના ખંભાળીયામાં વન વે ઝોન અન્વયે સવારે 8.30થી બપોરે 1.00 કલાક તથા સાંજે 4.30થી રાત્રે 8 કલાકના સમય દરમિયાન નગર નાકાથી જોધપુર ગેઈટ જવાના રસ્તા પર પ્રવેશબંધી (નો-એન્ટ્રી), જોધપુર ગેઈટથી નગરનાકામાં માત્ર પ્રવેશ અને નો-પાર્કિંગ ઝોન અન્વયે સવારે 7 કલાકથી રાત્રે 10 કલાક સુધી રેલ્વે સ્ટેશનની બંને તરફ ત્રીસત્રીસ મીટર (રેલ્વે અધિકૃત પાર્કીંગ સિવાય)તમામ વાહનોના પાર્કિગ કરવા પર પ્રતિબંધ ફરમાવ્યો છે.

અન્ય સમાચારો પણ છે...