મુલાકાત:CM રૂપાણી 31મીએ, નીતિન પટેલ 29મીએ દ્વારકા આવશે

રાજ્યના મુખ્યમંત્રી વિજય રૂપાણી 31મી ડિસેમ્બરે અને નાયબ મુખ્યમંત્રી નીતિન પટેલ 28 ડિસેમ્બરે દ્વારકા આવે તેવી શક્યતા છે. આ માટે તંત્ર દ્વારા યુધ્ધના ધોરણે જરૂરી તૈયારીઓ શરૂ કરી દેવામાં આવી છે. જોકે, હજુ તેમનો સત્તાવાર કાર્યક્રમ આવ્યો ન હોવાનું દ્વારકાના પ્રાંત અોફિસર નિહાર ભેટારીયાએ જણાવ્યંુ છે. દરમિયાનમાં, દ્વારકા પાસે આવેલા શિવરાજપૂર બીચને બ્લુ બીચની માન્યતા મળતા 28 ડિસેમ્બર સોમવારે ત્યાં બ્લુ ફ્લેગ હોસ્ટિંગનું આયોજન પણ કરવામાં આવ્યું છે.

રૂપાણી અને પટેલના બે દિવસના અંતરે અલગ-અલગ સંભવિત કાર્યક્રમોને લઇને વહિવટી તંત્રમાં આશ્ચર્ય ફેલાયું છે અને આ મામલે અનેકવિધ તર્કવિર્તકો સાથે ચર્ચા ચાલી છે. જોકે, બે માંથી એકપણનો કાર્યક્રમ હજુ સત્તાવાર રીતે જાહેર થયો નથી.