ઘરપકડ:વિજયનગરના ધોળીવાવમાંથી દેશી બંદૂક સાથે શખ્સ ઝડપાયો, સાબરકાંઠા એસઓજીએ રેડ કરી પકડ્યો, રૂ 3 હજારની દેશી બનાવટની બંદૂક જપ્ત કરી

સાબરકાંઠા એસઓજીએ વિજયનગર તાલુકાના ધોળીવાવમાંથી શખ્સ પાસેથી પોતાના ઘરમાં વિના લાયસન્સની દેશી બનાવટની બંદૂક રાખી હોવાની બાતમી આધારે રેડ કરી ઝડપી લઇ તેની વિરુદ્ધ ગુનો નોંધી તપાસ હાથ ધરાઇ હતી.

આ અંગે વિજયનગર પોલીસ મથકમાંથી પ્રાપ્ત માહિતી અનુસાર જિલ્લા એસઓજી ટીમને વિજયનગર તાલુકાના ધોળીવાવ ગામના વજાજી બદાજી વડેરાએ પોતાના ઘરમાં વગર લાયસન્સની દેશી બનાવટની બંદૂક રાખી હોવાની મળેલી બાતમીના આધારે રેડ કરતાં રૂ. 3000ની કિંમતની દેશી બનાવટ ની બંદૂક સાથે આરોપી વજાજી વડેરાને ઝડપી લઇ તેની વિરુદ્ધ આર્મ્સ એક્ટ હેઠળ ગુનો નોંધ્યો હતો.