તંત્રની નફ્ફટાઇ:પ્રાંતિજમાં એપ્રોચ રોડ પર પીકઅપ સ્ટેન્ડનું કંટ્રોલ પોઇન્ટ બંધ હાલતમાં

હિંમતનગર થી અમદાવાદ તરફ રવાના થતી બસો ની નોંધણી માટે પ્રાંતિજ એપ્રોચ રોડના પીક અપ સ્ટેન્ડ પર કંટ્રોલ પોઇન્ટનું કેબીન મૂકાયું છે. ગુરુવારે સવારે 8:45 વાગ્યે કંટ્રોલ પોઇન્ટના કેબીન પર ખંભાતી તાળા જોવા મળ્યા હતા. વળી પાછું કંટ્રોલ કેબિન પર પોસ્ટર લગાવી જણાવ્યું છે કે બસ ફરજિયાત નોંધાવી જવી. પોસ્ટર લગાવી તંત્ર પોતાની ઠેકડી જાતે જ ઉડાળતુ નજરે આવી રહ્યું છે. આ અંગે ડેપો મેનેજરે લૂલો બચાવ કરતાં જણાવ્યું કે સી.સી માં બસો આપી હોવાથી સ્ટાફ શોર્ટેજ છે.