સ્થાનિક સ્વરાજ્યની ચૂંટણી:સ્વરાજની સંસ્થાઓમાં વીવીપેટની સુવિધા નહી મળે, પાલિકાની ચૂંટણીમાં EVMની મલ્ટીપલ ચોઇસનો વિકલ્પ

સાબરકાંઠા જિલ્લામાં યોજાઇ રહેલ સ્વરાજની સંસ્થાઓની ચૂંટણીમાં આ વખતે મતદારોને વીવીપેટની સુવિધા નહી મળે પરંતુ પાલિકાની ચૂંટણીમાં મતદાન માટે ઇવીએમની મલ્ટીપલ ચોઇસનો પ્રયોગ કરાઇ રહ્યો છે. મતદાન મથક પર એકને બદલે બે બેલેટ યુનીટની સુવિધા આપવામાં આવશે. જિ.પં. અને તા.પં. માં 1172 મતદાન મથકો પર 2696 જ્યારે પાલિકાના 107 મતદાન મથકો પર 300 બીયુ અને 150 સીયુનો રીઝર્વ સહિતનો સેટ ઉપલબ્ધ કરાવવામાં આવનાર છે.

અગામી 28 ફેબ્રુઆરીએ સાબરકાંઠા જિલ્લાની 8 તાલુકા પંચાયતની 172 બેઠક, જિ.પં.ની 36 બેઠકની જ્યારે હિંમતનગર નગર પાલિકાના 9 વોર્ડની 36 બેઠક, વડાલી પાલિકાના 6 વોર્ડની 24 બેઠક અને તલોદના વોર્ડ નં. 3 અને 6 ની બે બેઠકની પેટાચૂંટણી અંતર્ગત મતદાન થનાર છે જેના માટે વહીવટી તંત્ર દ્વારા 11 ચૂંટણી અધિકારી 10 મુખ્ય નોડલ અધિકારી તથા 18 તાલુકા નોડલ અધિકારી અને ચૂંટણીની જનરલ કામગીરી માટે 14 નોડલ અધિકારીઓની નીમણુંક કરાઇ છે તદ્દપરાંત 4169 મતદાન અધિકારી, 1294 મહિલા મતદાન અધિકારી સાથે 1294 સેવક મળી કુલ 8051 કર્મચારીઓ ફરજ બજાવશે જ્યારે નગરપાલિકાઓમાં 749 કર્મચારીઓની નીમણુંક કરાઇ છે આ તમામને 4 થી ફેબ્રુઆરીએ પ્રથમ તાલીમ આપવામાં આવશે.

801 પોસ્ટર બેનર હટાવાયા
સાબરકાંઠા જિલ્લામાં આચાર સંહિતા અમલી બનતા 352 પોસ્ટર બેનર્સ, 63 હોર્ડીંગ્સ, 194 ચિત્રામણ અને 192 જેટલી અન્ય જાહેરાતો દૂર કરવામાં આવી છે.

તાલુકાવાર મતદાન મથક

તા.પં. જિ.પં.માં અતિસંવેદનશીલ સંવેદનશીલ મતદાન મથકો

​​​​​​​ ​​​​​​​

નગરપાલિકામાં સંવેદનશીલ અતિસંવેદનશીલ મતદાન મથક

​​​​​​​