વિરોધ:આયુર્વેદ તબીબોને ઓપરેશનની મંજૂરી અપાતા તબીબોની પ્રતીક ભૂખ હડતાળ

નેશનલ મેડિકલ કાઉન્સિલ દ્વારા તા. 19/11/20 ના રોજ બહાર પાડેલ નોટિફિકેશન પ્રમાણે આયુર્વેદ મા સ્નાતક થયેલા વિદ્યાર્થીઓને મોડર્ન મેડિસિન એટલે કે એલોપથીમા પોસ્ટ ગ્રેજ્યુએટ કરીને વિવિધ પ્રકારના ઓપરેશનો કરી શકવાની જોગવાઈ કરાતા તબીબી આલમમાં આક્રોશ પેદા થયો છે તબીબોના જણાવ્યા પ્રમાણે આયુર્વેદનો વિદ્યાર્થી એલોપથીના પાયાનું જ્ઞાન મેળવ્યા વગર કેવી રીતે ઓપરેશન કરી શકે. આ તો સામાન્ય પ્રજાના આરોગ્ય સાથે ખિલવાડ છે.

ઈન્ડીયન મેડીકલ એસોસિએશન દ્વારા સીસીઆઈએમ એક્ટ નોટિફિકેશન દૂર કરવા વિરોધ માટે રીલે હંગર સ્ટ્રાઈક ની જાહેરાત કરાતા હિંમતનગર મેડિકલ એસોસિએશનના તબીબો બે કલાકની પ્રતીક ભૂખ હડતાળમાં જોડાયા હતા અને તા. 7/02/20 ના રોજ ભૂખ હડતાળ કરી હતી. સરકારી મંજૂરી ન મળવાથી માત્ર બે કલાક ડોક્ટરો પ્રતીક ભૂખ હડતાળમાં જોડાયા હતા. જેમાં પ્રમુખ ડો. જયરાજ ભટ્ટ, ડૉ. ભુપેન્દ્ર શાહ ,સેક્રેટરી ડો. મેહુલ પટેલ અન્ય તબીબો જોડાયા હતા.