ધરપકડ:હિંમતનગરમાંથી ચોરીના બાઈક સાથે 4 બાઈકચોર SOGએ પકડ્યા

એસઓજીએ શનિવારે સાંજે પેટ્રોલિંગ દરમિયાન હિંમતનગરના ધાણધા ફાટક પાસે 4 બાઇક ચાલક પોલીસને જોઇ ભાગવાનો પ્રયાસ કરતાં ઝડપી પૂછપરછ કરતાં સાણંદ અને હિંમતનગર, ખેડબ્રહ્મા અને ઈડરમાંથી ચોરીની કબુલાત કરી હતી. શનિવારે સાંજે એસ.ઓ.જીએ પેટ્રોલિંગ દરમિયાન 4 બાઇક ચાલકને પકડી પૂછપરછ કરતાં પ્રવિણ ઉર્ફે પન્નાલાલ વેલા રામજી ભગોરા (રહે.નાઈફળા તા.ખેરવાડા) એ તેના મિત્ર મુકેશ શકરા પરમાર(રહે.આંબલીઘાંટીફળા મહુડીયા તા.ખેરવાડા) સાથે મળી સાણંદથી દોઢેક વર્ષ અગાઉ અરવિંદકુમાર રમેશચંદ્ર કરોવા (રહે.કરોવા ફળો સીકલવાસતા.ખેરવાડા) એ તેના મિત્ર રામલાલ અમ્રતલાલ નિનામા (રહે.બરોઠીબ્રાહ્મણા તા. ખેરવાડા) સાથે મળી હિંમતનગરના સરવણામાંથી એક વર્ષ અગાઉ, સાગરકુમાર રમેશભાઈ ડામોરે (રહે.ચંદવાસા તા.વિજયનગર) ઇડર ભિલોડા ત્રણ રસ્તે કોમ્પ્લેક્સ નીચેથી 1 વર્ષ અગાઉ અને બહાદુરસિંહ બંસીલાલ ભગોરા (રહે.ઢીંકવાસ તા.ખેરવાડા) એ તેના મિત્ર કમલેશ કુલીલાલ મોડીયા (રહે.ખોજાનઘાટી તા.ખેરવાડા)સાથે મળી 10 દિવસ અગાઉ ખેડબ્રહ્મા મામલતદાર કચેરી સામે આવેલ દવાખાના આગળથી બાઈક ચોરી કર્યાની કબૂલાત કરી હતી.