કાર્યવાહી:સરોલી પ્રા.શાળાના શિક્ષક અને પ્રાંતિજના તાજપુરની બે શિક્ષિકાના ઇજાફા અટકાવ્યા

જિલ્લા પ્રાથમિક શિક્ષણાધિકારી દ્વારા રેકર્ડ બીજા શિક્ષક પાસે લખાવવા અને અન્ય કારણો સહિત ચાલી રહેલ કેસમાં હિંમતનગરના સરોલી પ્રાથમિક શાળાના શિક્ષકની તાલુકા ફેરબદલી સાથે બે વર્ષ નો ઇજાફો અટકાવવાનો અને પ્રાંતિજની તાજપુર પ્રાથમિક શાળામાં અગાઉ તાળાબંધી થવાના જુના કેસમા બે શિક્ષિકાઓનો એક વર્ષ નો ઇજાફો અટકાવવાનો હુકમ કરાયો હતો.

સરોલી પ્રાથમિક શાળાના મુખ્ય શિક્ષક અશોકકુમાર રમેશભાઇ પ્રજાપતિએ અન્ય સહકર્મી પાસે જબરજસ્તીથી રેકર્ડ લખાવવા મામલે અને અન્ય ફરિયાદો અંતર્ગત થયેલ સુનાવણી બાદ ગુણદોષને આધારે જિ. પ્રા.શિક્ષણાઅધિકારી હર્ષદભાઇ ચૌધરી દ્વારા બડોલી પ્રા. શાળા-1 માં બદલી કરવા સહિત ભવિષ્ય ની અસર સિવાય બે વર્ષ નો ઇજાફો અટકાવવા, હસુબેન કેશવલાલ પટેલ ઉ.શિ.પંથાલ તા.ખેડબ્રહ્મા તથા પટેલ શિતલબેન દિનેશભાઇ ઉ.શિ. ભદ્રેસર તા.ઇડર બંનેને પ્રાંતિજના તાજપુર ખાતે થયેલ તાળાબંધીના કિસ્સામાં એક વર્ષ નો ઇજાફો અટકાવવાનો આદેશ કર્યો હતો.