અકસ્માત:અન્ય વાહનને સાઇડ આપવા જતાં કાર પલટી જતાં એકનું મોત

હિંમતનગર -ઇડર હાઇવે પર છ એક દિવસ અગાઉ અન્ય વાહનને સાઇડ આપવા બાબતે તેજપુરા નજીક કાર પલટી ખાઇ જતાં યુવકનું સારવાર દરમિયાન મોત થતાં રૂરલ પોલીસ સ્ટેશનમાં ફરિયાદ નોંધાઇ હતી. ગત તા. 23-12-20 ના રોજ સાંજે સાતેક વાગ્યાના સુમારે દરામલીના સંજયકુમાર ધુળાભાઇ પટેલ, મિતેશકુમાર ભગાભાઇ પટેલ અને મિતેષકુમાર બાબુભાઇ પટેલ આઇ ટ્વેન્ટી કાર નં. જી.જે-9-બી.ડી-7537 લઇને જમવા માટે નીકળ્યા હતા અને સંજયકુમાર પટેલ કાર ચલાવી રહ્યા હતા

અને સાડા સાતેક વાગ્યે તેજપુરા નજીક સર્વોદય હોટલ પાસે અન્ય કારને સાઇડ આપવા દરમિયાન સંજયકુમારે સ્ટિયરીંગ પરનું કાબુ ગુમાવતા કાર રોડ પર પલટી ખાઇ ગઇ હતી અને ત્રણેય જણાને ઇજાઓ થઇ હતી. અકસ્માતને પગલે દોડી આવેલ લોકોએ ત્રણેય યુવકને સારવાર અર્થે હિંમતનગર પહોંચાડ્યા હતા જેમાં મિતેષ ભગાભાઇ પટેલનુ ખાનગી હોસ્પિટલમાં સારવાર દરમિયાન મોત થયું હોવા અંગે જીતેન્દ્રકુમાર જયંતીલાલ પટેલે ફરિયાદ નોંધાવી હતી.