ઉજવણી:દિવ્યાંગોને ભોજન પીરસી દિવાળી ઉજવી

હિંમતનગરમાં બસ સ્ટેશન રોડ પર આવેલ જય જલારામ ટ્રસ્ટ સંચાલિત માનસિક દિવ્યાંગ આશ્રમમાં પંડ પીડાયે રઝળતા ભટકતા પરિવારથી વિખૂટા પડી ગયેલા બિનવારસી માનસિક દિવ્યાંગ જનોને આશરો પૂરો પાડી તેમને સારવાર સહિતની સેવાઓ પૂરી પાડવામાં આવે છે. માનવદેવો ની સેવા કરી રહેલા આ આશ્રમમાં દિવાળીના પર્વ નિમિત્તે કલેક્ટર સી.જે.પટેલે માનસિક દિવ્યાંગજનોને ભોજન પીરસી દિવાળીના પર્વની ઉજવણી કરી હતી.આશ્રમના સંચાલક જેઠાકાકા અને તેમના ધર્મપત્નીએ પણ પોતાના હાથે ભોજન પીરસી હૂંફ પુરી પાડી હતી.