આયોજન:એએચપી-રાષ્ટ્રીય બજરંગ દળ દ્વારા રક્તદાન

સાબરકાંઠા હિન્દુ હેલ્પલાઈન ગૃપમાં મેસેજ આવ્યો હતો કે પ્રીતમભાઈ દેવાભાઈ પ્રજાપતિ નામના વ્યક્તિને બ્રેઈન હેમરેજ થયુ છે તેમને હિંમતનગરની મેડિસ્ટાર હોસ્પિટલમાં દાખલ કરવામાં આવ્યા છે અને તેમને તાત્કાલિક બ્લડની જરૂર છે ત્યારે હિન્દુ હેલ્પલાઈન હિંમતનગર તાલુકાના અધ્યક્ષ હાર્દિકભાઈ સોનીએ ત્વરીત સ્થળ પર પહોંચી રક્તદાન કર્યું હતું

જ્યારે બીજો પણ એક મેસેજ આવ્યો હતો કે એક્સિડન્ટ કેસમાં વિરેનભાઈ વ્યાસને બ્લડની જરૂર છે ત્યારે હિન્દુ હેલ્પલાઈનના હિંમતનગર શહેરના ઉપાધ્યક્ષ મુકેશભાઈ મોદી દ્વારા રક્તદાન કરાયું હતું. સા.કા. રાષ્ટ્રીય બજરંગ દળના અધ્યક્ષ કનકસિંહ ઝાલા એ જણાવ્યુ કે સમાજ ને જ્યારે પણ મદદની જરૂર હોય ત્યારે આંતરરાષ્ટ્રીય હિન્દુ પરિષદ રાષ્ટ્રીય બજરંગ દળ હંમેશાં સમાજની સેવામાં હાજર રહેશે.